PSNren jarrera giltzarri izango da Nafarroako udal nagusietan
PSNren jarrera giltzarri izango da datorren ekainaren 15ean udalak osatzen direnean. Tuteran eta Altsasun argi dago nor izango den alkate, batean Navarra Sumak eta bestean Geroa Baik gehiengo osoa lortu baitute. Tafallan, berriz, independenteek izango dute giltza.
Hala, Tuteran ez da ezustekorik izango ekainaren 15ean. Navarra Sumak Udaleko 21 zinegotzitatik 11 eskuratu zituen eta Alejandro Toquero izango da alkate berria. Azken legegintzaldian Izquierda-Ezkerrako Eneko Larrarte izan da kargu horretan.
Altsasun, karguan errepikatuko du Javier Ollo egungo alkateak, Geroa Baik 13 zinegotzitatik 10 eskuratu ostean. Gainontzeko 3 zinegotziak EH Bildurenak izango dira.
Guztia kolokan dago, berriz, Nafarroako beste hainbat udaletan. Esate baterako: Iruñean, Lizarran, Burlatan, Eguesen edo Tafallan. Hautagairen batek gehiengo absolutua lor dezan akordiorik ez badago, zerrendarik bozkatueneko buruak aginduko du ekainaren 15etik aurrera, eta kasu horietan denetan Navarra Suma da zerrendarik bozkatuena.
Iruñean, Navarra Suma gehiengo osoa izateko 339 botoren faltan geratu zen maiatzaren 26ko udal hauteskundeetan, eta Udaleko 27 zinegotzitatik 13 lortu zituen. Kopuru horiek ikusita, Enrique Maya hautagaia "erabat babestuta" sentitzen da alkate izateko.
Egun funtziotan den Joseba Asiron (EH Bildu) alkateak ere bere burua aurkeztu du, ordea, "ezkerreko eta progresista" izango den udal-gobernua gidatzeko, baina PSNren botoak behar ditu hori lortzeko.
Lizarran, Navarra Sumak 17 zinegotzitatik 7 lortu zituen eta horien atzetik geratu ziren EH Bildu 6 zinegotzirekin, PSN 3rekin eta Geroa Bai 1ekin. Azken legegintzaldian EH Bilduko Koldo Leoz izan da alkatea, baina hala izaten jarraitzeko sozialisten babesa behar du. Bestela, Navarra Sumako Gonzalo Fuentes izango da alkate.
Barañaingo Udalak 21 zinegotzi ditu eta Navarra Sumak 8 eskuratu zituen azken hauteskundeetan. Alkatetza EH Bilduko Oihane Indakoetxearena izan da azken lau urteetan, baina hauteskundeen ostean laukoak gehiengoa galdu du, eta PSNrekin akordiorik egin ezean, Navarra Sumako Maria Lecumberri izango da alkate berria.
Burlatan, berriz, Navarra Sumako Ana Gongora izango da hurrengo alkatea, beste alderdiek bat egiten ez badute (EH Bilduk, CB-BAk, Podemosek eta Geroa Baik) PSNrekin. Udalak dituen 17 zinegotzitatik 5 lortu zituen Navarra Sumak.
Azken legegintzaldian "Burlata aldatuz" (Geroa Bai eta Podemos) koalizioa izan da agintean eta Txema Noval izan da alkate, baina sigla hori 5 zinegotzitatik 2ra jaitsi da. Bi alderdiak aparte aurkeztu ziren M26ko hauteskundeetan eta zinegotzi bana eskuratu zuten.
Egues Ibarrean ere kolokan dago Jose Alfonso Etxeberria Geroa Baiko hautagaiaren Alkatetza. Navarra Sumak 21 zinegotzitzatik 9 eskuratu ditu eta laukoak gehiengo galdu duenez, PSNren babesa behar dute Alkatetzari eusteko. Akordiorik egongo ez balit, 24 urteko Amaia Larraya (Navarra Suma) izango litzateke hurrengo alkatea.
Tafallan egoera berezia dute. Navarra Sumak irabazi zituen hauteskundeak 17 zinegotzitatik 5 eskuratuz, baina EH Bilduk baino 5 boto gehiagogatik bakarrik. Hala, kolizio abertzaleak ere 5 zinegotzi ditu. Arturo Goldaracena EH Bilduko hautagaia izan da azken urteetan alkate.
Kasu honetan, ez dute PSNren babesa behar, EH Bilduk, I-Ek eta Geroa Baik Iniciativa por Tafalla independenteekin akordioa egingo balute, alkatetzari eutsiko liokete, eta bestela, Navarra Sumako Amaya Orduña izango litzateke alkate.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.