Voxek EH Bilduko alkateen kontra harrerengatik jarritako salaketa, tramitera onartuta
Voxek Hernani eta Oñatiko EH Bilduren alkateen kontra aurkeztutako salaketa, uztailaren 27an eta 28an presoei egindako ongietorriengatik, onartu du Auzitegi Nazionalaren 4. instrukzio epaitegi zentralak.
Voxek esan duenez, epaileak auto bat atera du, salaketa hori Terrorismoaren Biktimen Elkarteak (AVT) gertakizun berberen harira jarritako salaketarekin batuz.
Auzi horretan, terrorismoaren gorazarre egitearen eta biktimen umiliazioaren errudunak diren deitzaileak, parte-hartzaileak eta antolatzaileak identifikatzeko agindu dio Guardia Zibilari epaileak, baita kazetariak jo zituztenak ere.
Auzitegi Nazionalean aurkeztutako idatzian, Voxek alkateak eta EH Bildu salatu zituen, terrorismoaren gorazarre egitea leporatuta.
Santiago Abascalen alderdiarentzat, Jose Jabier Zabaleta eta Xabier Ugarte Villarren delituen gorazarrea egin zuten. 200tik gora urteko kartzela zigorra jaso zuten biek, batuta, delitu horiengatik.
"Ekintza hauek legearen babesetik kanpo geratu behar direla uste du Voxek, eta adierazpen eskubide edo askatasunek ez dute baliorik hemen, sufritzen duen komunitatearen giza eskubideen urraketa larriena baita terrorismoa", esan du alderdiak.
Polemika kartzelatik atera diren azken bi presoen ongietorrien ostean
Uztailaren 27an eta 28an izan ziren harrerak, Hernanin eta Oñatik. AVTk, Covitek eta Voxek salatu zituzten.
Jose Jabier Zabaleta, Baldo, ETAko buruzagi ohia, Zuerako (Zaragoza) espetxean 29 urteko zigorra bete ostean itzuli zen Hernanira, eta Xabier Ugarte Villar, Jose Antonio Ortega Lara bahitu zutenetako bat, Topaseko (Salamanca) kartzelan 22 urte eman ondoren itzuli zen Oñatira.
Presoei egindako ongietorriak ez direla "omenaldiak" esan zuen Sarek, eta Arnaldo Otegi EH Bilduko koordinatzaile nagusiak, Radio Euskadin emandako elkarrizketa batean, arazoa ez dela ongietorria esan zuen Otegik, baizik eta "gauza horiek eztabaida politikoan jartzeko erabili nahi dituzten sektoreak" daudela. Hitz egiteko eta "elkarbizitza kudeatzeko" prest agertu zen.
Arazoa ekitaldi horien "arrandia publiko eta politikoa" dela erantzun zion Eusko Jaurlaritzak. Espainiako Gobernua, bestalde, 2011ko Terrorismoaren Biktimen Aitortza eta Babeserako Legearen erreforma prestatzen ari da eta, zirriborro horren arabera, presoei harrera egiteko ekitaldiak galarazten ez dituzten udalei zigor ekonomikoak jar litzaizkieke.
Azken bi ongietorrien ostean, "espazio itxietan egiteko aukera" proposatu zuen Foro Sozial Iraunkorrak, eta epaitegietara ez eramatea gomendatu zuen. Proposamen hori "mezu konstruktibo" bakarra izan zen Etxeratentzat, "eztabaida politiko eta mediatiko" horretan.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.