Chivite: ‘Gobernu bakar bat bera ere ez du debekatu 2010etik egiten den Ospa Eguna’
Maria Chivite Nafarroako Gobernuko presidenteak ostegun honetan azpimarratu duenez, Altsasuko 'Ospa Eguna' 2010. urteaz geroztik ospatzen da, eta inoiz ez dute debekatu, “PPren eta UPNren gobernuek ere ez”.
“Nahikoa da erabilera politikoarekin”, esan du Foru Gobernuko presidenteak RNEn egindako elkarrizketa batean.
Chivitek nabarmendu duenez, larunbate honetan Altsasun egingo den ‘Ospa Eguna’ duela hamar urte hasi ziren ospatzen, eta, horrenbestez, PP eta UPN agintean zeudenean ekimen hori ospatu izan dute. “PP zazpi urtez izan da Espainiako Gobernuan, eta UPN bost urtez Nafarroako Gobernuan”, esan du Chivitek. “Berriak ez diren gai hauen erabilera politikoa salatzen ari nahiz beste behin ere”, gaineratu du.
Nafarroako Gobernuko presidenteak adierazi duenez, "Foru Gobernuak oso argi dauka bere jarrera, eta Guardia Zibilak zein Espainiako Poliziak Nafarroan egiten duten lana txalotzen du".
Horrez gain, ‘Ospa Egunaren’ “izaerarekin ezta helburuekin ere” ez datorrela bat adierazi du. “Hala ere, demokraziak ezin du ekitaldi bat debekatu, elkarte edo erakunde jakin batek uste duelako parte hartzaileek delitu bat egin lezaketela”.
“Hori bai, Fiskaltza adi egongo da delitu bat dagoen edo egon daitekeen jakiteko helburuarekin, eta epaile batek erabakiko du deliturik dagoen edo ez. Eginkizun hori ez dagokio Nafarroako Gobernuari, baizik eta Espainiako Gobernuak Nafarroan duen ordezkaritzari. Hala, delitua egon daitekeenaren kasuan, Fiskaltzak neurriak hartuko lituzkeela uste dut, baina ezin du lehenago jardun ", zehaztu du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.