Euskal Memoriak 'euskal disidentziaren' presoen gaineko monografikoa argitaratu du
Euskal Memoria fundazioak "euskal disidentziaren" presoen gaineko lan monografikoa argitaratu du; alean, 1978tik 2011ra bitartean "arrazoi politikoak tarteko" kartzelan izandako euskal presoak ditu hizpide fundazioak.
Iñaki Egaña erakundeko presidenteak eta Carlos Trenor lanaren egileak prentsaurrekoan aurkeztu dute monografikoa, ostiral honetan, Donostian. Trenor zinegotzi egon zen Donostiako Udalean, Euskal Herritarrok alderdiaren aldetik.
Aurkezpenean izan direnen artean, ETAko kide ohi historiko batzuk zeuden; besteak beste, Eugenio Etxebeste, Domingo Aizpurua eta Eneko Irigaray. Azken hori banda terroristako sortzaileetako bat izan zen.
Agerraldian, Iñaki Egañak azaldu du fundazioak ikertzen dituela "1936tik, hau da, Gerra Zibila hasi zenetik, arrazoi politikoengatik espetxeratuta izan direnak"; zehaztu duenez, Ipar Euskal Herriko eta Hego Euskal Herriko datuak kontuan izanik, 80.000 bat euskal herritar izan dira kartzelan Gerra Zibila hasi zenetik.
Egañak azaldu du horietatik 55.000 "Gerra Zibileko garaian" izan zirela kartzelan, beste 12.000 frankismoan 1960ra arte, eta "7.500 bat ordutik"; horiei gehitu behar zaizkie, Egañaren esanetan, Bigarren Mundu Gerran Ipar Euskal Herrian izandako 5.000 presoak.
Lan sakona, 1960tik hona espetxeratuen gainean
Historialariak, halaber, aurreratu du datorren urtean fundazioak sakonduko duela, "lan zehatzago baten bidez", 1960tik ustez arrazoi horiengatik preso izandako 7.500 lagunen gainean; horien datu pertsonalak txertatuko omen dituzte iragarritako lan horretan.
Testuinguru horretan, jakinarazi du, halaber, Euskal Memoriak beste agerraldi batzuk egingo dituela, bi ikerketaren berri emateko. Alde batetik, Jose Miguel Etxeberria ETAko ustezko presoaren gaineko berritasunak emango dituzte (Landetan desagertu zen Etxeberria, Frantzian, 1980an); bestalde, Jose Bernardo Bidaola ETAko ustezko kideaz ere mintzatuko dira. Bidaolak bere buruaz beste egin omen zuen, orain arteko ikerketen arabera, baina Egañak dio badituela datuak "erabat" ezeztatzeko suizidioaren tesi hori.
Carlos Trenor liburuaren egileak, bere aldetik, nabarmendu du "zailtasun handia" duela dauden datuei heldu eta berea bezalako lan batean laburbiltzeak, baina, nolanahi ere, alea "ontzat eta dokumentatutzat" jo du. Monografikoak "testigantza ugari" biltzen ditu, eta presoak sei taldetan ditu banatuta; hauek dira sei talde horiek: ETArekin lotutakoak, "dena da ETA" deituriko taldekoak, “kale borroka” tarteko kondenatuak, intsumisoak, COPELen egoteagatik espetxeratuak (Borrokan dauden Presoen Koordinakundea zen COPEL), eta "klase-kontzientziaren alde egiteagatik" kartzelan sartu zituztenak.
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.