Puigdemont eta Comin epaitu ahal izateko prozedura abiatu du Europako Parlamentuak
Europako Parlamentuak iragarri du ostegun honetan Carles Puigdemont eta Toni Comin Kataluniako buruzagi independentisten aurkako suplikatorioaren prozedura abiatu duela. Puigdemontek eta Cominek immunitatea dute, eurodiputatu gisa, baina Espainiako Auzitegi Gorenak immunitate hori kentzeko eskatu du, Espainian epaitu ahal izateko biak, eta horregatik abiatu du prozedura Europako Parlamentuak. Aurreikuspenen arabera, prozedurak hainbat hilabete iraungo du.
"Espainiako agintariak gure erakundearen presidenteari zuzendu zaizkio, Carles Puigdemonten eta Toni Cominen immunitatea baliogabetzea eskatzeko, bi eurodiputatu horien aurkako ikerketa judizialekin jarraitu ahal izateko. Eskaera Gai Juridikoen Batzordeak hartuko du bere gain", Ewa Bozena Kopacz Europako Parlamentuko presidenteordeak bilkuran esan duenez.
Hortaz, hurrengo pausoa gaia batzorde horrek aztertzea izango da; ostegun honetan bilduko da, baina ezin izango dio suplikatorioari heldu. Batzordearen ondorengo bilerak urtarrilaren 27an eta 28an izango dira.
Txosten bat egin eta bozkatuko dute
Batzordeak, lehenik eta behin, txosten bat egingo duen txostengilea izendatuko du. Txosten horren gainean, Batzordeak eta bilkurak emango dute botoa. Txostengilea ezingo da eurodiputatu espainiar bat izan.
Gaia ateak itxita eztabaidatuko dute, eta Puigdemontek eta Cominek bertan hitz egiteko aukera izango dute. Abokatua eraman ahal dute, gainera, aholkulari gisa, edo beste eurodiputatu bat hauta dezakete hark ordezka ditzan.
Bi eurodiputatu katalanek presidenteordeak bilkuran jakinarazi aurretik izan dute suplikatorioaren berri. Batzorde horretan lan egiten duen Iban Garcia del Blanco PSOEko eurodiputatu espainiarraren esanetan, batez beste 2-3 hilabete ematen ditu batzorde horrek kasu bakoitza aztertzen.
Batzordeak ez du diputatuen erruduntasunaz ala errugabetasunaz ebatziko. "Hau ez da justizia auzitegi bat. Gu ez gara epaimahaia. Parlamentuaren batzordeetako bat gara, eta gai hauetaz arduratzen gara", esan du aste honetan Garcia del Blancok.
Europako Parlamentuko hiru talde nagusiek, popularrek, sozialdemokratek eta liberalek, immunitatea kentzearen alde bozkatuko dutela iragarri dute. Nolanahi ere, botoa bere izenean ematen du eurodiputatu bakoitzak, eta ez dago talde-diziplinarik.
Baliteke, halaber, beste talde txikiago batzuek (Voxek, besteak beste) ere suplikatorioaren alde egitea. Marco Zanni ultraeskuindarrak, aldiz, esan du ez duela suplikatorioa babestuko.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.