Eusko Jaurlaritza: "Ez diogu inori kalte edo mesede egiten kontratazioaren bidez"
Iñigo Urkullu lehendakariak ziurtatu duenez, Eusko Jaurlaritzak "ez dio inori kalterik edo mesederik egingo kontratazio publikoaren bidez". Ustezko ustelkeria kasuen aurrean Exekutiboak "aurreneko pausoa egiazko informazioarekin" eman duela erantsi du agintariak.
Urkulluk EH Bilduri, PPri eta Elkarrekin Podemosi erantzun die kontrol saioan. Lehendakaritzak eta Gogora Memoria Institutuak kargudun jeltzale batek zuzendutako enpresa talde bati, ustelkeriagatik De Miguel auzian zigortutako EAJko agintari ohiak tartean, esleitutako kontratuen inguruan galdetu diote buruzagiari.
"Ez ditugu arazoak ezkutatu, ezta ukatu ere, aurre egin diegu eta aurreneko pausoa egiazko informazioarekin eman dugu beti", azpimarratu du Urkulluk. Auziak bereizi ditu agintariak, eta ustelkeria guztia "gaitzesten" duela errepikatu du.
Lehendakariaren ahotan, Exekutiboak gardentasunarekin duen konpromisoa ezagutzen du euskal gizarteak. "Kritika etengabea" eta "blokeoa" leporatu dio Urkulluk EH Bilduri, "ekarpen positiborik" egin gabe, "hauteskundeetan errentagarritasun politikoa" lortu nahian.
"Ez duzue sinesgarritasunik, demagogiak prezio bat du eta Euskadik badaki", esan dio Urkulluk Josu Estarrona EH Bilduko legebiltzarkideari. Estarronaren hitzetan, EAJren txartela izateak "kontratazio batzuk" errazten dituela uste du euskal gizartearen zati handi batek. Horregatik, "leihoak zabaltzea eta alfonbrak altxatzea" eskatu du.
Eusko Jaurlaritzaren Kontrol Ekonomikorako Bulegoak egindako txostena zalantzan jarri du Alfonso Alonso PPko presidenteak. Txostenak ez du inolako irregulartasunik aurkitu Gogoraren kontratuetan. "Prozedura hanka-sartzeren bat" soilik antzeman du Bulegoak. PPko presidentearen esanetan, "guztia estaltzeko alde baten txosten" bat da.
“Alde baten” txosten bat denik ukatu du Urkulluk. Eusko Jaurlaritzak egin beharreko hobekuntzak zerrendatu ditu txostenak, gogorarazi duenez, eta Exekutiboak “kontuan hartu eta praktikan jarriko ditu”.
Azkenik, Gogorarako kontratuekin Osakidetzako lan eskaintza publikoaren ustezko filtrazioekin bezala jokatzea egotzi dio Cristina Macazaga Elkarrekin Podemoseko legebiltzarkideak Eusko Jaurlaritzari, "aldeko txosten" batekin gauzak "estaliz". Kontratazio publikoan indarrean dagoen araudia aplikatzen ari direla erantzun dio Urkulluk.
Zure interesekoa izan daiteke
Epaileak Jose Luis Rodriguez Zapatero inputatu du 'Plus Ultra auzian', ustez dirua zuritzeagatik
Espainiako Gobernuak Plus Ultra airelineari emandako 53 milioi euroen ustezko erabilera irregularra ikertzen ari da Jose Luis Calama Auzitegi Nazionaleko magistratua.
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.