Otegi: "Ezinbestekoa ez den jarduera oro eten eta jendea etxean geratu behar da"
Arnaldo Otegi EH Bilduko idazkari nagusiak bideoa kaleratu du igande honetan COVID-19ari aurre egiteko "dena gelditu egin behar dela" adierazteko: "Ezinbestekoa ez den jarduera oro eten behar da eta jendea etxean geratu behar da" esan du.
"Gure herria zaintzeko gure herria gelditu egin behar da. Lehenbailehen har dezagun erabaki hau" defendatu du Otegik. Guztion ardura dela nabarmendu du eta "kostu ekonomikoa" izango duela, baina beharrezkoa dela, "zenbat eta beranduago hartu erabakia, kostu ekonomikoa ere handiagoa" izango delako.
"EH Bilduk komunitate zientifikoak eskatzen duenari kasu egiteko eskatzen du, edo Italia egiten ari denari, edo Munduko Osasun Erakundeak gomendatzen duenari. Ezin dugu gure jendearen osasunarekin jolastu" hausnartu du.
Otegi kezkatuta agertu da "koronabirusaren zabalkundea geldiarazten ari ez delako" eta ildo horretan, "alarmismorako garaia ez dela" nabarmendu du eta "bai jarrera arduratsua izateko" eta Munduko Osasun Erakundearen gomendioak zehatz-mehatz betetzeko.
Langileen kezkak eta beldurrak bere egiten dituela esan du: "Nork uler dezake, asteburu osoa etxean pasa eta gero, bihar milaka langile lanera joan behar izatea? Ezinbestekoa da konfinamendu osoa" adierazi du EH Bilduko idazkari nagusiak.
"Gure iritziz, interes ekonomikoa osasun publikoaren aurretik jartzen ari dira" esan du Otegik.
"Hau oso serioa da, ezin dugu jendearen osasunarekin jolastu. Badakigu produkzioa eta osasunaren arteko debate bat dagoela eta EH Bildutik uste dugu osasuna dela lehenengoa".
Atzo, LAB sindikatuak ere oinarrizko zerbitzuak bakarrik mantentzearen alde egin zuen eta langileak "planto egitera" animatu zituen euren lan postuetara COVID-19aren aurkako oinarrizko segurtasun eta osasun neurririk gabe itzultzera derrigortzen badituzte.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.