COVID-19ak 16 hildako eta 502 kutsatu gehiago utzi ditu Hego Euskal Herrian atzotik
COVID-19 gaitza zuten 12 pertsona hil dira azken orduotan Euskal Autonomia Erkidegoan, eta, horrenbestez, 97 dira jada koronabirusak eragindako heriotzak Araban, Bizkaian eta Gipuzkoan.
Eusko Jaurlaritzak gaur eguerdian emandako datuen arabera, 372 koronabirus kasu berri atzeman dituzte atzotik (bezperan 260 izan ziren), eta, azken datuen arabera, 2.097 dira EAEn COVID-19 gaitza dutenak. Horietako 812 ospitalean daude (bezperan 71 Zaintza Berezien Unitatean).
Araba da EAEn koronabirusak gogorren astindu duen lurraldea; denera, 912 daude kutsatuta (111 kasu berri) eta 326 ospitalean daude. Guztira, 60 pertsona hil dira (5 atzo).
Bizkaian, berriz, 860 dira COVID-19ak jota daudenak (209 kasu berri) eta horietako 375 daude ospitalean. Guztira, 24 pertsona hil dira (5 atzo).
Gipuzkoa da, oraingoz, kutsatu kopuru txikiena duen EAEko lurraldea: 325 pertsona daude koronabirusak jota (52 kasu berri) eta 111 pertsona daude erietxean. Guztira, 13 pertsona hil dira (2 atzo).
Larunbateko 20:00ak arte 40 laguni eman diete alta (atzo 16ri)
Gaur arratsaldeko 20:00etan, Gurutzetako Unibertsitate Ospitaleko eskailera kiribila urdinez argiztatuko dela Osakidetzako profesional guztien lana eskertzeko.
Nafarroa
Koronabirus kasuek goraka jarraitzen dute Nafarroan eta gaur 794 positibo dira jada (bezperan baino 130 gehiago). Kutsatu horietatik 228 ospitaleratuta daude, 30 Zainketa Berezien Unitatean.
Atzo, gainera, 4 pertsona hil ziren, eta guztira 24 dira hildakoak.
Alde positibotik, 4 pertsonari alta eman zieten.
Koronabirusak 1.720 pertsona hil eta 28.572 kutsatu ditu, Espainian
Espainiako Osasun Ministerioak 28.572 koronabirus kasu konfirmatu ditu, horietatik 3.646 berriak dira, eta 1.720 heriotza izan direla gaineratu du, atzo baino 394 gehiago.
Salvador Illak zuzentzen duen sailak aditzera eman duenez, 1.785 gaixo Zainketa Berezietako Unitatean daude, eta jada 2.575 dira sendatu diren pertsonak.
Zure interesekoa izan daiteke
'Kuadrilla', 2026ko sanferminak iragarriko dituen kartel irabazlea
Marta Garatea artista iruindarraren artelanak festako uneak eta pertsonaiak uztartzen ditu, kolore bero eta bizien bidez. Kartela herri-bozketaren bidez aukeratu dute, eta inoizko parte-hartzerik handiena izan da: 10.000 boto baino gehiago jaso ditu.
24 partidako zigorra ezarri diote futbol-jokalari bati epaileari eraso egiteagatik, Nafarroan
Erasoa pasa den asteburuan gertatu zen, CDA Rotxa eta UD Mutilvera C taldeek jokatutako gazte mailako futbol partidan.
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren kontrako sexu-abusuekin lotutako edukiak sortzeko helburu bakarra duten adimen artifizialeko sistemak debekatu egingo dira 2026ko abenduaren 2az geroztik. Grok X sare sozialeko AAko tresnak sortutako ika-mikaren ondoren adostu dute neurria.
"MV Hondius" ontziak Kanaria Uharteetara heltzeko egingo duen bidea, hemen
Hantabirus kasuak atzemandako itsasontziaren bidaia maiatzaren 9an iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.
Albiste izango dira: hantabirusaren azken ordua, Tubos Reunidosko langileen batzarra eta Gabonetako Loteriaren Igorreko auzia
Gaurkoan Orain-en albiste izango direnen laburpena, bi hitzetan.
Matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 79 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese "Gernika" aurrean: “Ikaragarria da, Gazan ikusi dudana ematen du”
Francesca Albanese Nazio Batuen Erakundeko Palestinarako errelatorea txundituta agertu da asteazken honetan Gernika Pablo Picassoren margolan ospetsuaren aurrean. Haren ustez, "gerra zibilaren suntsiketa" islatzen badu ere, Palestinako lurralde okupatuetan ikusitakoaren "isla" ematen du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.