EH Bildu, Euskal Herria Baterarekin, Aberri Egunean; EAJk bere ospakizuna egingo du
EH Bilduk eta EH Bai Ipar Euskal Herrikoak bat egin dute Euskal Herria Batera ekimenak konfinamenduan Aberri Eguna ospatzeko egindako deialdiarekin. EAJk, aldiz, adierazi du Aberri Eguna Ospatzeko ekimen guztiak babesten dituela, baina bere ekitaldiak egingo dituela; asteazkenean iragarri du zeintzuk izango diren ekitaldi horiek, dagokion agiria argitaratuta.
Eukal Herria Batera plataformak, tartean Gure Eskun ibilitako jendeak osatzen duenak, proposatu du igandean, apirilaren 12an, Aberri Eguna ospatzeko "argazki mosaikoa" egitea eta "balkoietan eta leihoetan kantatzea", osasun krisiagatik kalean ezingo delako ospakizunik egin.
Hala, EH Bilduk eta EH Baik gaur iragarri dute bat egiten dutela ospakizunarekin. Izan ere, euskal herritarrek "globalizazioaren eta neoliberalismoaren ondorioei aurre egiteko tresna bat dugu eskuartea: burujabetza", adierazi dute, eta horrek bermatuko duela "herri gisa bizirik jarraitzea eta gizarte justuagoa eraikitzeko baliabideak eskuratzea".
"Horren harira, bat egiten dugu Euskal Herria Baterak egindako deialdiarekin, eta euskal gizarteari igandeko ekimenean parte hartzeko eskatzen diogu", azaldu dute.
"Euskal Herriaren sinboloa elkarrekin osatzeko deia egiten dizuegu, norberak bere nahia argazki batean irudikatu eta sarera igoz, mosaiko digital erraldoia marrazteko", gaineratu dute.
Osasun krisi eta konfinamendu egoera honetan, koalizio abertzaleek osasun alorreko beharginak egiten ari diren lana txalotu dute, eta baita bestelako lanetan dihardutenena ere, tartean "nekazariak, zaborra jasotzen dutenak, garraiolariak, supermerkatuetako langileak edo okinak". Baina "aipamen berezia" egin nahi izan diete euskal presoei, "Espainiako eta Frantziako estatuek sufrimendu espetxealdia luzatzen" dietelako.
EAJk bere ekitaldiak deituko ditu
Testuinguru honetan, EAJk, astelehenean jakinarazi duenez, ez du bat egingo Euskal Herria Baterako ekimenarekin, eta bere ekitaldiak bultzatuko ditu.
Alderdi jeltzalearen iturriek gogora ekarri dutenez, EAJk sortu zuen Aberri Eguna, duela 88 urte, eta "bizitza osoa" darama jendea animatzen leihoetan ikurrinak eskegitzera: "Aurten, are gehiago", gainera; izan ere, balkoiak "ikur" bilakatu dira, konfinamenduagatik.
EAJk, hortaz, ez du bat egingo Euskal Herria Baterako ekimenarekin, eta bere ospakizuna antolatuko du; horretan ere jarriko dira ikurrinak leihoetan.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.