'Herriko tabernen' epaia betearazten hasi direla dio Sortuk
Sortuk jakitera eman duenez, Auzitegi Nazionala azken egunotan hasi da "herriko tabernen" epaia exekutatzen, bankuko kontuen bahiketarekin. Auzitegi Gorenak 2015ean berretsi zuen epaia, lokal horien bidez ETA finantzatzen zela iritzita.
Ezker abertzaleko alderdiak ohar baten bidez jakinarazi duenez, "kontuak enbargatzen hasi dira" eta "beldur" dira datozen egunetan "guztiak enbargatuko ote dituzten".
Gogora ekarri du duela bost urte berretsi zuela Gorenak auzi horren inguruan Auzitegi Nazionalak emandako epaia, non ezker abertzaleko hogei militante zigortu zituzten, tartean Joseba Permach eta Rufino Etxeberria Batasunako buruzagiak.
"Bost urtez epaiaren exekuzioak bere horretan jarraitu du, baina, bitartean, asko izan dira ekarpen politiko eta kulturalari eutsi dioten taberna eta sozietateak. Ahalegin hori aitortu eta txalotu egiten dugu. Beraz, albiste txarra da Euskal Herriarentzat ", esan du Sortuk.
Epailearen erabakia "ezker abertzaleari eta Euskal Herriari egindako lapurreta izugarria" dela eta "iraganekoa" izan beharko lukeela azpimarratu du.
Gobernuak "bere gerra propioa mantentzen du koronabirusaren aldetik, osasun krisiaren aurkako propagandaren lehen lerroan guardia zibilak eta militarrak jartzean", baina "hala ere, epai honen bidez, Espainiako Erresuman autoritarismoak nagusitzen jarraitzen du".
Sorturen esanetan, "oker dabiltza maniobra horiekin ezker abertzalea bere bidean kokatzea lortuko dutela uste badute ". Izan ere, "Euskal Herriaren askapen prozesuan pauso sendoak" eman dituztela eta "norabide horretan aurrera egiteko borrokan" jarraituko dutela azpimarratu du.
Auzitegi Gorenak 2015eko ekainean berretsi zuen Auzitegi Nazionalak urtebete lehenago emandako epaia, eta ezarritako zigorrak apur bat murriztu zituen, baina Auzitegi Nazionalak betearazi behar zituela ebatzi zuen.
Auzitegi Gorenaren arabera, "herriko tabernak" itxi eta enkantean jarri behar ziren, Estatuaren mesedetan, epaia aplikatuz.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.