PPren eta Voxen betoa gaindituta, eutanasiaren legeak aurrera segitzen du Kongresuan
Eutanasia legeztatzeko PSOEk egin zuen proposamena tramitatzen jarraituko dute Kongresuan, Alderdi Popularrak eta Voxek aurkeztutako osoko zuzenketak atzera bota ostean. Bi alderdi horiek zaintza aringarrietan oinarritutako lege bat egitea planteatu zuten alternatiba moduan.
Alderdi Popularraren ekimenak 203 boto jaso ditu kontran eta 143 alde; Voxen testuak, berriz, 204 boto izan ditu aurka eta 143 alde.
Hortaz, eutanasiaren legearen tramitazioak aurrera egingo du Kongresuan. Taldeek irailaren 16ra arteko epea dute zuzenketak eta ekarpenak egiteko.
Zaintza aringarrien legea eutanasiaren legearekin parekatuta eztabaida nahasi nahi izatea aurpegiratu die Maria Luisa Carcedo Alderdi Sozialistako diputatuak PPko eta Voxeko ordezkariei.
"Badakite ez dutela ezer berririk esan: zaintza aringarrirako proposamena 2006an egin zen eta 2010etik abian da horretarako estrategiak bat", kritikatu du.
Gainerako taldeek ere salatu dute Alderdi Popularraren eta Voxen jarrera. Joseba Agirretxea EAJko diputatuaren iritzian, "dena nahastu nahian ari dira, zaintza aringarriak eta eutanasia ez baitira gauza bera, eta hori jakin badakite". "Arazoa da biak direla beharrezkoak, baina bi alderdi horiek bakarra babesten dute", erantsi du.
Iñaki Ruiz de Pinedo EH Bilduko ordezkariak esan du "eztabaida faltsua" sortu nahi dutela, eta Unidas Podemoseko Rosa Maria Medelek hiltzeko laguntza eskatzen duten pertsonak "kriminalizatzen" ari direla egotzi die.
Sara Gimenez Ciudadanoseko diputatuaren arabera, zaintza aringarriak "ezinbestekoak" dira, "baina hori eutanasia legearekin bateragarria da".
PSOEren proposamenak hiltzeko laguntza nola eskatu behar den eta eutanasia berme juridikoekin aplikatzeko baldintzak zehazten ditu.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.