Elkarretaratze luze bat Bilbon, espetxe politika aldatzea eskatzeko
Sortuk deituta, elkarretaratzea egiten ari dira gauean, Espainiako Gobernuak Bilbon duen Ordezkaritzaren aurrean, presoei aplikatzen zaien espetxe politika aldatzea eskatzeko.
Arkaitz Rodriguez Sortuko idazkari nagusiak adierazi duenez, “ez dago elkarbizitzarik, bakerik, ezta askatasunik ere” presoek “espetxean jarraitzen duten” bitartean, “eta, are gutxiago, kartzelan hiltzen diren bitartean”.
“Haserre gaua” lelopean, 21:00etan mobilizazio nagusia egin dute manifestariek. Era berean, presoen aldeko aktibismoaren inguruko mahai-ingurua eta konferentzia bat egingo dituzte. Elkarretaratzea igande honetan 09:00ak aldera bukatzea espero da.
Igor Gonzalez Sola ETAko presoaren suizidioa Martuteneko espetxean “ez zen heriotza naturala izan”, salatu du Rodriguezek elkarretaratzean. Dagoeneko zigorraren hiru laurdenak beteak zituen, eta gaixorik zegoen, gogorarazi duenez.
“Espainiako legediaren arabera, aske egon behar zen jadanik. Ondorioz, haren heriotza saihestu zitekeen. Labur esanda, heriotzaren arduradunek izen-abizenak dituzte. Igor Gonzalez Sola ez da hil. Igor Gonzalez Sola salbuespeneko espetxe politika batek hil du”, esan du.
Zentzu horretan, “indarkeria bakarra egun estatuena da”, adierazi du Sortuko idazkari nagusiak. “Presoak bakarturik edo etxetik ehunka kilometrora, urrun, mantentzea indarkeria da”, azpimarratu eta honakoa erantsi du: “Herri honek elkarbizitza, bakea eta askatasuna nahi ditu”.
“Ez dago bizikidetzarik, bakerik eta askatasunik presoek espetxean jarraitzen duten bitartean”, defendatu du. “Egoera honi atzerapen gehiagorik gabe amaiera jartzea” aldarrikatu du. “Ez dugu hitz politik nahi, ekintzak baizik. Behin ETA desagertuta sakabanaketa politika 48 ordutan amaituko zela entzun genuen askotan. Zuon legea bete eta zuen salbuespeneko espetxe politika bazterrean utzi”, eskatu du.
Azkenik, Sortuk “bakea eta askatasuna lortzeko borrokan” jarraituko duela gaineratu du Rodriguezek, eta helburua lortzeko, “gehiago ahalegintzea” eskatu die manifestariei.
Zure interesekoa izan daiteke
Euskal politikariek eta gizarteak Carlos Garaikoetxeari esker ona adierazi diote
Frankismoaren ondorengo lehen lehendakaria euskal gizarteak maite eta miretsi zuen pertsona izan zen. Sareak esker on eta omenaldi mezuz bete dira albistea zabaldu bezain pronto.
?fmt=webp-alpha&qlt=80)
Garaikoetxea, euskal autogobernuaren oinarriak ezarri zituen lehendakaria
Trantsizioan ezinbesteko papera izan zuen politikaria, bere ardura nagusietako bat izan zen euskal erakundeen egitura marraztu eta eraikitzea. EAJrekin izandako desadostasunek eraman zuten Eusko Alkartasuna sortzera.
Abalos ez dator bat UCOk leporatzen dizkion "justifikatu gabeko" 94.000 euroekin: "Ez didate ezer aurkituko"
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Carlos Garaikoetxea hil da, frankismoaren ondorengo lehen lehendakaria
Politikari nafarra, Eusko Alkartasunaren sortzailea, 87 urterekin zendu da bihotzeko baten ondorioz. Iruñean hil da gaur, maiatzaren 4ean.
Borja Semper PPren batzorde nazionalera itzuli da, minbizia gainditu ondoren
Semper politikaren lehen lerrora itzuli da, hamar hilabeteko etenaldiaren ostean.
Ekain Rico (PSE): "EAJk ke-pantailak sortu ditu; bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" eta "gehiegizko antzezpenaz" hitz egin du jeltzaleen jarrera kritikatzeko orduan.
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.