EAko 580 kritikok alderdiaren ezohiko batzarra deitzea eskatu dute
Eusko Alkartasunako Iruñea, Bilbo, Gasteiz eta Donostiako koordinatzaile lokalek 580 sinadura aurkeztu dituzte, zuzendaritza nazionalari ezohiko batzarra deitzea eskatzeko. Alderdiak EH Bildu koalizioan duen "tokia" erabaki nahi dute kritikoek.
Bruno Zubizarreta (Bilbo), Esther Korres (Iruñea), Javier Estebanez (Donostia) eta Iñaki Sanchezek (Gasteiz) sinadurak aurkeztu dituzte alderdiaren Iruñeko egoitzan. Alderdiaren estatutuek ezarritako sinadura kopurua "aise gainditzen" dutela uste dute.
Peio Urizarrek dimisioa eman ondoren, Eba Blanco EAko idazkari nagusi izendatu zuten, baina izendapena bertan behera geratu zen epai irmo baten zain. EAko estatutuen 34 b artikulua betetzeko eta ezohiko batzarra deitzera behartzeko sinadurak bildu behar zituztela iragarri zuen talde kritikoak duela aste batzuk.
Zentzu horretan, Eusko Alkartasuna "noraezean" dabilela deitoratu du Esther Korresek "triste eta harrituta", "afiliatuei bizkarra emanda jokatzen ari direlako etengabe".
2017ko biltzarrean, alderdikideen % 80k txosten politikoa onartu zutela gogorarazi du Korresek. "Gure herriaren erronka handiei heltzeko gure aukera sozialdemokrata eta abertzalea sendotzearen garrantzia", azpimarratu zutela erantsi du, "eta horretarako EH Bildun koalizio eredu bezala parte hartu behar genuela".
Baina "ez da horrela gertatu, eta EAko zuzendaritzak akordioa sistematikoki urratu du", nabarmendu du.
Bestalde, alderdiaren zuzendaritzak afiliatuen fitxategia "botere ilun baten tresna gisa erabili du", kritikatu duenez. EAko buruzagiek ezin izan dute ikusi; EH Bilduko agintariek bai, ordea; "guretzako erabat onartezina da".
Zuzendaritza nazionala 'ez da oztopo bat izango'
Iker Ruiz de Egino EAko bozeramaileak esan du Zuzendaritza nazionalak alderdiaren "estatutuak betetzen jarraituko duela" eta "ez dela oztopo bat izango ezohiko batzar bat egiteko, eskaerak baldintzak betetzen baditu".
Ruiz de Eginok "errespetua" adierazi die afiliatu guztiei eta "alderdiaren estatutuen baitan hasi ahal duten edozein ekimeni". Esan duenez, "argi zehazten ditu ezohiko batzar bat deitzeko beharrezkoak diren baldintzak". Gainera, Eba Blanco idazkari orokorra "ez dela inoiz oztopo bat izango" azpimarratu du.
"Hala ere, ez dugu uste eskaera horrek zentzu asko duenik, 2021ean egin behar dugun ohiko batzarraren atarian gaudelako, are gehiago osasun krisiaren agertokian".
"Auzitegietan ez dutenez euren helburua lortu, hau da, alderdiaren eta kargu publikoen kontrola eskuratzea, afiliatuen talde honek orain egi erdietan eta gezurretan oinarritutako estrategia baten bitartez lortu nahi du, EA eta, beraz, EH Bildu kaltetzearen kontura", esan du.
Bozeramaileak alderdiko "sektore kritikoari" eskatu dio "epaiak errespetatzeko eta leialtasunez lan egiteko EA eta, beraz, EH Bildu sendotzean".
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.