Urriaren 21ean, Kataluniako hauteskundeen erlojua martxan
Quim Torra presidente ohia ordezkatzeko hautagairik ez dagoela jakinaraziko dio Roger Torrent Parlamentako presidenteak Ganberari urriaren 21ean, asteazkena. Honenbestez, hauteskundeak otsailaren 14an egin ahal izateko erlojua martxan jarriko da.
Inbestidurarako hautagairik ote zegoen taldeei galdetzeko 10 eguneko epea ostegunean amaitu zen. “Bilera sortan inbestidura saioa egitea ezinezkoa dela egiaztatu dut, hautagairik aurkeztu ez delako”, azaldu du Torrentek.
Asteazkenean, ohiko osoko bilkuran, jakinaraziko duela erantsi du agintariak, eta egun horretan bertan Parlamentako Aldizkari Ofizialean (Bopc) ebazpena argitaratuko du.
Asteazkenean, kontrol saioa egin baino lehen, ebazpena irakurriko du Torrentek, inbestidurarako hautagairik ez dagoela baieztatzeko. Horrela, Presidentetza Legeak ezarritako epeak martxan jarriko dira. Ondoren, iritzia eman ahal izateko talde politikoen txanda izango da.
Huts egindako inbestidura baten antzeko ekitaldia egiteko bi aukera zituela esan du Parlamentako presidenteak, ebazpen bat Bopc-en argitaratu edo osoko bilkurari jakinarazi, eta biak egitea erabaki du azkenean.
Urriaren 22an, osteguna, presidentea izendatzeko bi hilabeteko epea zabalduko da eta, espero bezala hori gertatzen ez bada, abenduaren 22an Parlamenta automatikoki desegingo da, eta Governak hauteskundeak otsailaren 14an deitzeko dekretua argitaratuko du.
“Aurrekaririk ez duen egoera” bat dela azpimarratu du Torrentek, karguan dagoen Generalitateko presidentea sekula gaitasungabetu ez dutelako, baina talde politikoek gauzak erraz jarri dituztela onartu du.
Bi hilabete hauetan talderen batek hautagai bat planteatzen baldin badu, Kataluniako Ganberaren presidenteak “kontsulta epea zabaldu beharko luke, hautagaia izendatzeko aukerarik ote dagoen ikusteko”, baina oraingoz talde politikoek ez dute horretarako borondaterik agertu.
Urriaren 22tik abenduaren 22ra Parlamentak bere jarduerarekin “normaltasunez” aurrera jarraituko duela nabarmendu du Torrentek, eta aurreikusitako saioak egingo ditu, beti ere pandemiaren mugak eta murrizketak errespetatuz.
Horrela, Bozeramaileen Batzordeak egutegia aldatzen ez baldin badu, legealdiko azken saioa abenduaren 15, 16 eta 17an egingo lukete.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.