Trapero absolbitu dute ez zuelako Kataluniako prozesuarekin loturarik izan
Auzitegi Nazionalak Josep Lluis Trapero Esquadra Mossoen maiorra eta Cesar Puig eta Pere Soler Mossoen buruzagi politiko ohiak absolbitu ditu Kataluniako prozesu independentistaren auzian. Era berean, Teresa Laplana intendentea absolbitu du auzitegiak.
Komunikabideon arabera, Ramon Saez Valcarcel eta Francisco Javier Vieira magistratuek absoluzioa babestu dute, baina Concepcion Espejel gai penaletarako aretoaren presidenteak epaiaren aurkako boto partikularra eman du.
Ez da erabaki irmoa, eta aldeek helegitea aurkezteko aukera dute orain. Epaia Fiskaltzaren tesiaren kontrakoa da. Hasiera batean, Ministerio Publikoak Mossoen buruzagiei matxinada leporatu zien, baina epaiketaren azken fasean akusazioa aldatu zuen, Auzitegi Gorenak politikari independentisten aurkako epaian ezarritako irizpideari jarraituz. Horrela, sedizioa egotzi zien.
Era berean, fiskalek desobedientziagatik zigortzea planteatu zuten, baina Auzitegi Nazionalak atzera bota eta laurak absolbitu ditu.
Gai penaletarako aretoak asteazken honetan eman die aldeei epaiaren berri, baita sententziaren kopia digitala ere. Horren arabera, Auzitegi Nazionalak ebatzi du ez dagoela Trapero prozesu independentistarekin lotzen duen elementurik.
Epaiak jaso duenez, ez zuen sediziorik egin, ezta desobedientziarik ere, eta ez dute frogatu Traperok eta gainerako akusatuek Espainiako epaitegien aginduak betetzea oztopatu zutenik.
La resolución explica que no hay elemento incriminatorio alguno, resultado de la prueba, que revele un acuerdo entre los acusados para constituirse en instrumento del proceso independentista y poner el aparato policial dependiente de la Generalitat a su servicio, ni tampoco entre los acusados, o alguno de ellos, y las personas condenadas en el juicio ante el Tribunal Supremo como coautores del delito de sedición o con otros organizadores de la preparación y ejecución del referéndum.
Fiskaltzak, aitzitik, 10 urteko espetxe-zigorra ezartzea eskatu zuen, Mossoek Kataluniako prozesu independentistan, 2017ko udazkenean, jokatu zuten paperagatik.
Auzia epaiaren zain geratu zen ekainaren 17an, baina COVID-19ak eragindako konfinamenduak saioak eten zituen. Auzitegi Gorenak ezarritako irizpidea ez du jarraitu Auzitegi Nazionalak ebazpenean. Gorenak 12 buruzagi independentista zigortu zituen 2019ko urrian.
Traperoren lana aztertu dute epaiketan, baita paraleloan Diego Perez de los Cobos Guardia Zibileko koronelaren lanarekin alderatu ere, azkena U-1ko erreferendumean Poliziaren dispositiboaren arduraduna izan baitzen.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.