Ikasteko edo lan egiteko espetxetik irteteko baimena eman diete Altsasuko bi gazteri
Altsasuko auzian espetxean jarraitzen duten bi gazteei kartzelatik irteteko baimena eman die Auzitegi Nazionalak, ikasteko edo lanerako. Kartzelan jarraitzen duten bakarrak dira, hain zuzen ere, Jon Ander Cob eta Julen Goikoetxea gazteak.
Defentsak aurkeztutako helegiteak onartu eta Jon Ander Cob eta Julen Goikoetxea gazteei espetxe arautegiko 100.2 artikulua aplikatzea ebatzi du Jose Luis Castro Auzitegi Nazionaleko epaileak. Aipaturiko artikuluak espetxealdia arintzea baimentzen du presoari hirugarren gradua eman gabe. Oraingoz, bigarren graduan jarraitu beharko dute.
Fiskalaren oniritziarekin hartu du erabakia Jose Luis Castro epaileak, bi gazteek espetxean duten portaera eta delitua berriro egiteko duten arrisku txikia aintzat hartuta. Hasiera batean Auzitegi Nazionalak bederatzi urteko kartzela zigorra ezarri zien, baina gero Auzitegi Gorenak zazpi urte eta erdira jaitsi zien.
Epaileak kontuan izan du, besteak beste, espetxeko jokabidea, enplegu aukerak izatea, kartzela barruko jardueretan parte-hartzea, eta epaian ezarritako erantzukizun zibila ordaintzea.
Biak espetxean hasi ziren Psikologia ikasketak egiten, eta Jon Ander Cob zine laguntzaile gisa aritu da lanean, soldatapean, bere moduloko jarduera batzordeko arduraduna da eta okintza ikastaro batean parte hartu du.
Julen Goikoetxeak, bere aldetik, lan eskaintza bat du mahai gainean, espetxeko jarduera batzordeko laguntzailea da eta mantentze teknikari gisa ordaindutako lan praktikak egin ditu.
Hori guztia kontuan izanda, Espetxeko Tratamendu Batzordeak espetxe arautegiko 100.2 artikulua aplikatzea proposatu zuen, presoek unibertsitate ikasketak egin ahal izateko eta lan eskaintzekin bateragarri egiteko.
Hasiera batean, epaileak gazteen eskaera atzera bota bazuen ere, espetxeak proposamena egin ostean onartu egin du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.