Urruntze politikaren amaiera eskatu du euskal gehiengo politiko eta sindikalak
Legea bete dadila eta euskal presoen eskubideak errespeta daitezela eskatu dute euskal alderdi abertzaleek eta sindikatuek, elkarrekin kaleratu duten adierazpen batean. Beste espetxe politika bat aldarrikatu dute, eta euren babesa eskaini diote Pedro Sanchez Espainiako Gobernuko presidenteari, alor horretan urratsak eman ditzan.
Etxerat elkartearen ekimenarekin bat eginez, EAJ, EH Bildu eta Elkarrekin-Podemos alderdiek, eta ELA, LAB,UGT, CCOO, STEE, ESK, Hiru, Etxalde, EHNE, CGT eta CNT sindikatuek izenpetu dute agiria, eta gaur eguerdian Bilbon, Euskalduna jauregian, egin duten agerraldian aurkeztu dute. Irune Berasaluzek (EAJ), Maddalen Iriartek (EH Bildu), Raul Arzak (UGT) eta Ana Perezek (Steilas) irakurri dute idatzia, eragile guztien izenean.
Testuak jasotzen duenez, "beharrezkoa da beste espetxe politika bat, presoek beren gizarte eta familiako erroak dituzten lekuetatik urrun zigorrak bete beharra ekidingo duena". Halaber, politika berri horrek "presoak bere familiarekin harremanak izatea erraztuko" duela eta "adin txikiko seme-alaben ongizateari begiratuko diola, gurasoek haiekin egoteko duten eskubidea defendatuz" adierazi dute sinatzaileek.
"Konpromiso hau gizarteratu eta ezagutarazteko helburuarekin", gaur zabaldutako testua Iñigo Urkullu EAEko lehendakariari, Maria Chivite Nafarroako Gobernuko presidenteari eta Jean Rene Etchegaray Euskal Elkargoko buruari ez ezik, EAEko udal guztiei eta Eusko Legebiltzarrari igorriko diete. Baita, Pedro Sanchez Espainiako presidenteari, Friendship kolektiboari eta espetxeetako zuzendaritzei ere.
Etxerat elkarteak, joan den otsailean, eragile politiko eta sindikalekin egindako batzarraren ondotik iritsi da gaurko urratsa. Bilera hartan, ondoko premisa adostu zuten parte-hartzaileek: "Espetxean dauden pertsona euskaldun presoek jasaten duten urruntzeari amaiera emateko premia eta, oro har, espetxe politikan oraindik indarrean dagoen salbuespen egoera gainditu beharraren premia". Ildo horretan, hauteskundeen ondoren, adierazpen publiko bateratu bat kaleratzeko konpromisoa hartu zuten, eta, hain zuzen, hori da gaur hedabideen aurrean zabaldutakoa.
Hala, Euskal Herrian "2011tik irekita dagoen errealitateari jarraiki", ondorengo mezua helarazi diote Sanchezi: "Espainiako Gobernuari helarazten diogu Euskadiko Autonomia Erkidegoko gizartearen eta adierazpen honen sinatzaileen sostengu osoa, pertsona euskaldun presoei legedi arrunt soila eta espetxe politika normalizatu bat aplikatzeko beharrezkoak diren urratsak ematea erabakitzen badu, aldatzear dugun iraganeko logiken araberako legedian oinarritutako egoera behin betiko gaindituz".
Sinatzaileen iritzian, "helburu hau betetzeak modu erabakigarrian esku hartuko luke euskal gizartean eta politikan iraganarekin lotutako etapa bat ixten, eta aukera emango luke, biktima guztiak oroituz, bizikidetza demokratikoan ardaztutako orainaldiko eta etorkizuneko denboraldi berri bat eraikitzen".
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.