Beste sei preso gerturatuko dituzte Euskal Herrira, bat Iruñera
Duela bi urtetik deseginda dagoen ETA erakundeko beste sei preso Euskal Herrira gerturatuko dituztela iragarri du Espainiako Gobernuko Espetxe Zuzendaritzak. Preso horietako bat Iruñeko kartzelara ekarriko dute, eta beste bostak Kantabriako, Soriako eta Palentziako espetxeetara eramango dituzte.
Hain zuzen, Jose Carlos Apeztegia Jaca da Toledotik Nafarroako hiriburura ekarriko duten presoa. Bertan beteko du zigorraren azken zatia, 2021ko urrira arte, bigarren graduan.
Apeztegia duela zazpi urte geratu zen libre, 1992an Jose Osinalde enpresaburua hiltzea egotzita, zigorra bete ondoren. 2018an berriro hartu zuten preso, eta lau urteko espetxe zigorra ezarri zioten, ACAIP espetxeetako funtzionarioen sindikatuaren Madrilgo egoitzaren aurkako atentatuan zerikusia izan zuelakoan.
Jesus Maria Altabe, Angel Maria Telleria Uriarte, Jon Crespo Ortega, Jon Etxeberria Oiarbide eta Juan Maria San Pedro Blanco dira lekualdatuko dituzteN beste bost presoak.
Altabe 1999tik dago preso, eta 30 urteko espetxe zigorra betetzen ari da, 1984an Luis Ollo Ochoa guardia zibila hiltzeagatik. Castellotik Soriara eramango dute, eta bigarren graduan beteko du hemendik aurrerako zigorra. Espetxe Zuzendaritzaren arabera, eragindako mina aitortu eta indarkeria baztertu du Altabek.
Bestalde, Telleria Uriarte Estremerako (Madril) kartzelatik Kantabriara eramango dute. 30 urteko espetxe zigorra ari da betetzen, eta horri ere bigarren gradua eman diote.
Crespo Ortega ere Kantabriako kartzelara lekualdatuko dute, Murtziatik. 2002tik dago preso, erakunde armatuarekin kolaboratzea eta lehergaiak izatea egotzita, besteak beste. Abuztuan beteko ditu zigorraren hiru laurdenak, eta Espainiako Gobernuak gaur jakinarazi duenez, preso horrek ere, eragindako mina aitortu eta biktimekiko enpatia agertu du, berriki aurkeztu duen idatzi baten bidez.
Halaber, Etxeberria Oiarbide presoa ere Kantabriako kartzelara eramango dute, Castellotik. 2017tik dago preso, eta bederatzi urteko zigorra ari da betetzen, armak izatea egotzita.
Gaurko oharrean jakinarazi duten seigarren lekualdatzea, San Pedro Blancorena, Ciudad Realdik Palentziara izango da. 1991ean, Barakaldon, polizia baten autoan bonba bat jartzeagatik dago espetxean, 1995etik.
Zure interesekoa izan daiteke
Ansolaren esanetan, EAJ ez da inoiz egongo Vox partaide den alternatibetan: "Voxekin inoiz ez, ezer ez"
Iñigo Ansola Bizkai Buru Batzarreko presidenteak Voxen alternatiba politiko oro baztertu du: "Ez dugu inoiz parte hartuko Vox presente dagoen inongo alternatibatan... printzipioengatik, balioengatik, gure herriarekiko errespetuagatik. Voxekin inoiz ez, ezer ez".
EAJren eta PSE-EEren arteko talka Bizkaiko plan fiskala dela eta
Talentua erakartzeko eta enpresen sustraitzea indartzeko asmoz Bizkaiak kenkari fiskalen pakete handi bat iragarri eta biharamunean, euskal sozialistek euren haserrea agertu dute, bai edukiagatik, bai formagatik. Mikel Torres Bizkaiko PSE-EEko buru, Jaurlaritzako lehendakariorde eta Ekonomia, Lan eta Enplegu sailburuak esan du bere alderdiak komunikabideen bidez izan duela horren berri.
Podemos Euskadik M-15eko espiritua berreskuratzeko deia egin du, herritarrak ustelkeriarekin "nazkatuta" daudelako
Podemos Euskadiko koordinatzaile nagusiak, Richar Vaquerok, M-15aren espiritua berreskuratzeko deia egin du, gaur egun, orain 15 urte bezala, herritarrak "nazkatuta" daudelako "ustelkeriarekin, erreskate publikoetan egindako azpijokoekin eta pertsona gutxi batzuek erakundeak beren onurarako erabiltzearekin".
PPk azalpenak eskatuko ditu USaPeko euskara azterketan izandako zero mordoagatik, eta ikerketa eskatu du
Esther Martinez EAEko PPko idazkari nagusiak iragarri duenez, bere alderdiak azalpenak eskatuko ditu, Unibertsitatera Sartzeko Probaren (USaP) euskara azterketan zero mordoa izan delako. Suspentso gehienak itunpeko ikastetxeetako, A ereduko eta epaimahai jakin batzuetako ikasleek izan dituzte.
Enplegu publikoaren legeari segurtasun juridikoa ematea espero du EAJk, eta EH Bilduk akordioa posible ikusten du "alderdi askotan"
PSE-EEk "akordioak hautsi" izana egotzi die jeltzaleei, "hainbat hilabetez negoziatzen egon ostean", eta PPk eta Voxek "politika inposatzailea" dela uste dute.
EAJk Ipar Euskal Herrirako bere marka berritu du: Le Parti Basque
Aitor Estebanek Bidarten adierazi duenez, nomenklatura berri honek alderdiaren "balioak eta ideologia abertzale eta zentrokoa hobeto ordezkatzen ditu".
Eusko Jaurlaritzak ertzain baten aurka Leioan izan den "seinalatze publikoa" gaitzetsi du
Hainbat kartel agertu dira Leioako ikastetxe baten inguruan, maiatzaren 23an Loiuko aireportuan izan zen Ertzaintzaren dispositiboaren arduraduna seinalatuz.
Ibone Bengoetxea: "Munduko txapelketa ekartzeko marra gorria akordio orekatua da"
Bilbo eta Donostia 2030eko Munduko Futbol Txapelketaren egoitza izateari buruz galdetu dio Amaia Martinez Voxeko legebiltzarkideak Kultura eta Hizkuntza Politikako sailburuari. FIFAren baldintzak "ez dira gutxi, ezta txikiak ere", Bengoetxearen hitzetan, eta hirietako mugikortasuna mugatzea edo munduko txapelketak "hiriko beste ekitaldi propioekin" bat ez egitea nabarmendu du horien artean. Eusko Jaurlaritzak "ez du txeke zuririk sinatuko, ezta hankak, eskuak eta ahoa lotuko ere", gaineratu du.
Zapatero kontrabando eta delitu fiskalengatik ikertzen ari da Calama epailea, bulegoan aurkitutako bitxiengatik
Plus ultra auzia ikertzen ari den Auzitegi Nazionaleko epaileak pieza bereizitua zabaltzea agindu du 1,3 milioi euroko balio estimatua duten bitxien harira, horien jatorria behar bezala "justifikatuta" ez dagoelakoan.
EH Bildu abstenitu egin da, eta zabalik utzi du ados jartzeko aukera EPEetan euskarari segurtasuna emateko
Koalizio abertzaleak ez du argitu proposamenaren behin betiko onarpena babestuko duen, baina "akordiorik eza ez da aukera bat", ohartarazi du.