Itsas Armadako arduradun bat kargutik kendu dute "ekintza frankista" bat tarteko
A Grañako (Ferrol) Itsas Eskolako Ikasketa buruzagia kargutik kendu du Espainiako Armadak larunbat honetan, “egokia ez den efemeride” bat argitaratzea egotzita.
Eskolaren eguneko gai zerrendan “egokia ez den efemeride” bat argitaratu zuen Gerra Zibilarekin lotuta, Armadak, izenik aipatu gabe, agiri batean azaldu duenez. Horregatik, langilea, tokiko zuzendariordea, “kargutik kenduko dute”.
Aipatutako militarrak “eguneko gai zerrenda idazteko eta argitaratzeko ardura du”, Armadak ohar labur batean zehaztu duenez.
Nestor Rego BNGko diputatuak salatu duenez, ostera, A Grañako Armadaren egoitzan “frankismoaren aldeko ekintza” bat izan da.
BNGko diputatuak zentro militarreko agiri baten irudia zabaldu du. 1937an “C-5 eskuadra gorriko” urpeko ontziaren hondoratzearen urteurrena “efemerideen” artean aipatzen du dokumentuak. Era berean, Regok ekimena aurkeztu du Diputatuen Kongresuan, “Defentsa Ministeriori erantzukizunak garbitzea eskatzeko”.
Armadako agiriaren arabera, ontzia urte hartako “urtarrilaren lehen egunetan”, Gerra Zibilean, desagertu zen “Jose Lara teniente heroiak agindutako” erasoan.
“Armadan faxismoa” salatu du BNGko diputatuak Twitter sare sozialean. “Frankisten aldeko ekintzak beti errugabe geratzen dira Armadan, eskandalua da”, kritikatu duenez.
Jarrera horiek “salatu dituztenak”, ostera, zigortu dituzte, Regok gogorarazi duenez. Marco Antonio Santos kaboaren eta Luis Gonzalo Segura tenientearen kasuak aipatu ditu diputatuak.
Ferroleko kuartela Itsas Armadaren hezkuntza zentro handienetako bat da. Diputatu abertzaleak zabaldutako agiriak bertako zuzendariordetzaren idazpurua du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.