Hedabideen aurrean agertuko dira lehen aldiz Altsasuko gazteak, gaur
Altsasuko auzian zigortutako gazteak hedabideen aurrean agertuko dira lehen aldiz, gaur eguerdian, Iruñean, "gizartearekin hainbat gogoeta partekatzeko" eta "dinamika ziklo bat ixteko". Altsasukoak Aske eta Altsasu Gurasoak plataformek babestuta egingo dute agerraldia, Katakrak liburu-dendan, 12:00etan. Jarraitu prentsaurrekoa zuzenean, eitb.eus-en.
Lau urte eta hiru hilabete igaro dira Altsasuko hainbat gaztek bi guardia zibilekin eta haien bikotekideekin Koxka tabernan liskarra izan zutenetik. Gertakariokin lotuta, zortzi gazte –Oihan Arnanz, Iñaki Abad, Jokin Unamuno, Adur Ramirez de Alda, Jon Ander Cob, Julen Goikoetxea, Aratz Urrizola eta Ainara Urkijo– auzipetu zituzten, eta 2 eta 13 urte bitarteko zigorrak ezarri zizkien Auzitegi Nazionalak, terrorismo delitua baztertu bazuen ere. Urkijo izan zen kartzelara joan ez zen bakarra. Egun, bost auzipetu –Arnanz, Unamuno, Ramirez de Alda eta Urrizola– hirugarren graduan ari dira zigorra betetzen, eta bi –Cob eta Goikoetxea–, bigarrenean.
Aritz Leoz Altsasukoak Aske plataformako eledunaren hitzetan, "argi dago egoera berri batean gaudela, inflexio puntu batean", eta, beraz, "bada garaia, lau urteko ibilbidearen ondoren, ziklo bat borobiltzeko". "Antolaketa mailari dagokionez, intentsitate maila handiko urteak izan dira, eta dinamika hori, nolabait, albo batera uzteko tenorea da, une aproposa iruditzen zaigu horretarako", gehitu du. Bide batez, gazteek "behar duten atsedena" hartzeko ordua dela esan du.
Agerraldia "oso garrantzitsua" izango dela ere nabarmendu du, "lehen aldiz egingo baitute halako agerraldi bat zigortutako gazteek". "Egoeraren balorazioa" egiteaz gain, "zenbait elementu iragarriko dituzte", Altsasukoak Aske plataformako kidearen hitzetan.
Hori bai, Espainiako epaitegietako bidea agortu duten arren, Altsasu auziaren bide judiziala ez dela amaitu esan du Leozek, eta Estrasburgoko Giza Eskubideen Auzitegian aurkeztutako helegitean jarrita dutela itxaropena. "Bide luzea geratzen da aurretik, eta harik eta amaieraraino iritsi arte, hor egongo gara", adierazi du. Izan ere, bere esanetan, "Altsasu Aske plataforma herria da, ez da desegingo".
Atxiloketak izan orduko antolatu ziren gazteen gurasoak ere, eta Altsasu Gurasoak plataforma jarri zuten abian. Etenik gabe aritu dira lanean, mobilizazioak deitzen, gertatutakoa salatzen eta babes-sarea zabaltzen. Asteon bertan, sare sozialen bidez zabaldu duten mezuan zenbakitan laburbildu dute prozesua: "1.527 egun zigorpean, 353.000 euroko kostu ekonomikoa, 539.000 egindako kilometroak".
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.