Jaurlaritzak ostalaritzan egindako "kudeaketa kaskarra" kritikatu du oposizioak
Eusko Jaurlaritzak ostalaritzan ezarritako mugen "judizialiazioa" salatu du EH Bilduko legebiltzarkide Ibai Iriartek. Murrizketa horietako batzuk atzera bota ditu astearte honetan EAEko Justizia Auzitegi Nagusiak, eta erabaki horrek agerian utzi du gaia kudeatzerakoan Jaurlaritzak "porrot egin duela", Iriarteren hitzetan.
Berba horiekin adierazi du Justizia Auzitegi Nagusiak ostalarien helegiteei erantzunez emandako ebazpenaren inguruan duen ikuspuntua. Auzitegi horrek ebatzi du EAEko taberna guztiek ateak ireki ahalko dituztela gaurdanik, udalerri gorrietan baita.
Elkarrekin Podemos-IUren ustez, ostalaritzak ez zeukan "berma juridikorik"
Elkarrekin Podemos-IU koalizioko legebiltzarkide Jon Hernandezek, bestalde, argi utzi du Eusko Jaurlaritzak udalerri gorrietako taberna eta jatetxeak ixteko hartutako erabakiak ez zeukala inolako segurtasun juridikorik.
Edozein modutan, azpimarratu du gaurko ebazpenak ez dituela sektore horrek bizi dituen arazoak desagerraraziko. Horregatik, ostalariei laguntzeko prest agertu da Hernandez.
PPren ustez "zaplaztekoa" eman dio justiziak Urkulluri
Carlos Iturgaiz PP+Cs koalizioko presidenteak esan du Iñigo Urkullu lehendakarirentzat kolpe latza izan dela gaurko erabakia, eta ostalarien eskariei entzungor egiteagatik iritsi dela.
Urkulluk ostalaritza sektoreari kalte egiten diola nabarmendu ostean, "erantzukizun politikoak" eskatu dizkio lehendakariari, baita sektore horrentzako laguntza gehiago ere.
Jaurlaritzak dio erabakiak zalantzan jartzen duela Euskadiren berme juridikoa
Bingen Zupiria Eusko Jaurlaritzako bozeramaileak adierazi duenez, EAEko Justizia Auzitegi Nagusiak ostalaritza-establezimenduak kautelaz berriro irekitzera behartzen duen erabakiak Euskadiren berme juridikoa "zalantzan" jartzen du.
Espainiako Gobernuak auzitegiaren erabakia errespetatzen duela esan du
Bukatzeko, Justizia Auzitegiaren erabakia errespetatzen duela adierazi du Espainiako Gobernuak. Halaber, alarma egoeraren alde agertu da, "horri esker autonomia erkidegoek pandemiari aurre egiteko neurriak har ditzaketelako".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.