Frankismoko biktima guztiak aitortutakoan amaituko da trantsizioa, Urkulluren ustez
Espainiako Gerra Zibileko eta frankismoko biktima guztien memoria eta duintasuna aitortzen direnean amaituko da "egiazko trantsizioa", azpimarratu du ostiral honetan Iñigo Urkullu lehendakariak. 1981eko estatu kolpearen saiakeraren 40. urteurrena aste honetan bete den honetan, "egia guztia gardentasunez, sekreturik gabe eta erreserbarik gabe" jakitea eskatu du, "horrelakorik sekula berriro gerta ez dadin".
"2015-2020 aldirako EAEko Plana, hobien kokapena ikertzekoa, Gerra Zibilean desagertutako pertsonak bilatu eta identifikatzeko" planaren emaitza nagusiak aurkezteko ekitaldian parte hartu du, gaur eguerdian, lehendakariak Gogora institutuak Bilbon duen egoitzan.
Bere hitzaldiaren hasieran ekitaldiaren helburuak aipatu ditu: "biktimekiko zor morala eta familiek senideen gorpuzkiak berreskuratzeko eta haien memoria ohoratzeko duten eskubidea". "Gure konpromisoa memoriadun etorkizuna eraikitzea da, oinarri solido, printzipio etiko eta uste sendoetan finkatzen dena", gehitu du.
Era berean, bi printzipio etiko azpimarratu ditu: batetik, pertsona bakoitzaren duintasuna; bestetik, guztiek memoriarako duten eskubidea.
Iñigo Urkulluk azaldu duenez, Euskal Autonomia Erkidegoan hobitik atera dituzten 110 biktimaren eskubideak eta memoria berreskuratzen ari dira. Horietatik 27 identifikatu dituzte. Euren familien eskubidea ere aldarrikatu du, besteak beste, senideen gorpuzkiak non zeuden jakitea. "Gure konpromisoa eta betebeharra gerrako biktimei eskubide hori berrezartzea da", gaineratu du.
"Ez dugu nahi, ezin dugu, ez dugu ahaztu behar. Ez dugu nahi, ezin dugu, ezin dugu orrialdea pasatu. Oroimena bai, baina ez gorrotorako, mendekurako edo konfrontaziorako. Memoria bai, egia, aitortza eta duintasunerako. Memoria bai, baina elkarbizitzarako", esan du.
20.000 bisita astebetean
Urkulluk nabarmendu duenez, Gerra Zibilak EAEn eragindako biktimen webguneak 20.000 bisita baino gehiago jaso ditu, astebetean. "Ez dugu ahaztu nahi, ez dugu ahaztuko, gure etorkizuna biktimen eta biktima guztien memoriaren eta duintasunaren gainean eraikiko dugu", azpimarratu du.
Memoriak "duela hamar urte eta aurreko hamarkada guztietan gertatutakoaren ezagutzan eta aitortzan" oinarrituta egon behar duela iritzi dio.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.