Zabalza sendiak jasotako babesa eskertu du baina auzia argitzeko pausoak eskatu ditu
Nafarroako alderdi eta erakundeek emandako babesa eskertu du gaur Mikel Zabalzaren familiak, baina bakoitzak bere eskumenen esparruan, benetan "eraginkorrak diren neurriak antolatzen" lagundu behar duela azpimarratu du, hartara, Orbaizetako gaztearen heriotza argitzeko pausoak emateko.
Idoia eta Lourdes Zabalza, hildako gaztearen arrebak, Nafarroako Parlamentuan izan dira gaur Unai Hualde ganberako presidentearekin biltzeko. Bozeramaileen Batzordeak onartutako adierazpen instituzionala eman die Hualdek.
Bileraren ondotik, Zabalza ahizpek esan dute "babestuta" sentitzen direla orain eta "adierazpenaren garrantzia baloratzen" dutela erantsi dute.
"Orain gutxi arte pentsaezina zen, baina horrek dakarren babes instituzionaletik haratago, auzia argitzeko behar diren pausoak ematen laguntzea nahiko genuke. Ez genuke nahi ekintza formal hutsean geratzea. Hainbeste difamazio eta urtetako bakardadearen ondoren, Nafarroako Parlamentuaren babesa sentitzen dugu. Hasieratik defendatzen ari garen egia ziurtzat jotzen dela esan nahi du. Orain, bakoitzak bere eskumenen esparruan, benetan eraginkorrak diren neurriak antolatzen lagundu behar du", azpimarratu du Idoia Zabalzak.
Horren ustez, auziak "bi gako" ditu. Batetik, "ikertzea posible" dela, eta ildo horretan, gogorarazi du Fiskaltzak ikerketa berriro zabaltzeko aukera aipatu zuela, betiere probak agertzen baziren. "Ebidentziak absolutuak dira", esan du.
Bigarrenik, arlo politikoan ere badago zer egina, Idoia Zabalzaren aburuz. Besteak beste, Sekretu Ofizialen Legea moldatzea aipatu du, "dokumentazio hori publiko egin dadin. Hori politikarien esku dago".
Unai Hualdek, bere aldetik, Nafarroako erakundeek "egia, justizia eta biktima guztien erreparaziorako eskubidearekin duten konpromiso irmoa" azpimarratu du eta, ildo horretan, "kasua sakonki ikertu" behar dela azpimarratu du, "erabat argitu dadin. Egia ofizial bat dago, gizarteak zalantzan jartzen duena, eta agertu berri diren ebidentzia hauekin ezinbestekoa da ikerketa amaierara arte eramatea. Nafarroako Parlamentuak hau aho batez esan izanak balio handia du, are gehiago Ganbera honen aniztasuna kontuan hartuta, ez dezagun ahaztu Nafarroako herritar guztiak ordezkatzen dituela”.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.