Marlaskak berretsi du ez dela egokia Zabalza auziaren "ikerketa paraleloa egitea"
EAJk presioa egin du asteazken honetan Diputatuen Kongresuan, Espainiako Gobernuak Mikel Zabalzaren 1985eko heriotzari buruzko dokumentazio ofiziala desklasifika dezan; baina Fernando Grande Marlaska Barne ministroak berretsi duenez, "ez da egokia ikerketa prospektibo paralelo bat abiatzea".
Premiazko interpelazio batean, Aitor Esteban EAJko diputatuak Grande Marlaskari eskatu dio Ministroen Kontseilura eraman dezala 80ko hamarkadan Guardia Zibilak Intxaurrondon duen kuartelean izandako tortura kasuei lotutako dokumentuak desklasifikatzeko eskaera, eta hori "giltza" izango litzatekeela uste du, Dolores Delgado Estatuko fiskal nagusiak prozedura berriro irekitzeko agindua eman dezan.
Kongresuan aurpegia ematea "nekagarria dela" onartu du Estebanek. Ministroak, bere aldetik, esan du ez dakiela epaitegiek baloratu ez dituzten dokumentu sailkatuak dauden ala ez, eta orain dela 20 urteko instrukzio "bikaina" defendatu du (artxiboan amaitu zen instrukzio hori), bai eta, azpimarratu duenez, Euskal Autonomia Erkidegoan egindako praktika-aldian ezagutu zituen epaileen "ausardia" ere.
Grande Marlaskak zalantzan jarri du, Senatuan egin zuen bezala, audioa berria denik, instrukzio judizialak edukia jada baloratu zuelako. Estebanek gogorarazi duenez, audio horretan, garai hartan CESIDeko arduraduna zen Juan Alberto Perote entzuten da, Zabalza eragindako torturen ondorioz hil zela aitortuz.
"ETAren aurkako borrokak ez du dena justifikatzen", adierazi du EAJko diputatuak, Peroteren eta Pedro Gomez Nietoren arteko audioa aipatuz. "Zu euskalduna zara", esan dio Grande Marlaskari, "ondo ezagutzen duzu kasua eta zure Gobernuan galde dezakezu, batzuek oso ondo ezagutzen dute tortura kasu hori".
Senatuan egin zuen bezala, Grande Marlaskak esan du Botere Judizialak erabaki behar duela berriro irekitzea agintzeko elementurik ba ote dagoen, eta hori ere eska dezakete prozeduran agertutako akusazioek. Auziaz arduratzen diren auzitegietatik at edozein ekintza egitea "arrisku handia" izango litzatekeela esan du, "ikerketa prospektibo bat ez delako egokia".
EH Bilduk Marlasa kritikatu du
Mertxe Aizpurua EH Bilduko bozeramaileak adierazi duenez, Barne ministroaren hitzak "etsigarriak eta mingarriak" dira, "bertsio ofizialean ezkutatuz", batez ere ikerketa judiziala akatsgabea eta konplexua izan zela esateagatik.
"Inork ez du Zabalzaren heriotzagatik ordaindu", esan du EH Bilduko diputatuak, eta salatu du Intxaurrondo bezalako kuarteletako "torturaren praktika sistematikoan" kokatzen dela eta "Estatuko botereek zigorgabetasun mantuari eutsi nahi diotela". Zentzu horretan, hildakoaren arrebak auzia berriro ireki nahi duenean "beste alde batera begiratzea" aurpegiratu dio Espainiako Gobernuari.
Zure interesekoa izan daiteke
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.
Nafarroako Gobernuak larrialdiko 2. maila ezarri du eklipsea dela eta
Foru Gobernuak Larrialdietarako Aholku Batzordea ere eratu du, eta 1.165 kidek osatutako segurtasun-dispositiboa jarriko du martxan.
Ertzaintzako sindikatuek agenteen aurkako erasoak gaitzetsi dituzte, bitarteko gehiago eskatuz
ErNE, Euspel eta Sipe sindikatuek salatu dutenez, polizia bati eraso egitea ezin da "normal" bihurtu. Hortaz, "babes instituzionala" eta lantaldea indartzea eskatu dute.
Bilboko aireportuak ausazko kontrolak egiten dizkie Italiatik datozen bidaiariei, gorabeherarik gabe
Neurria larunbat honetan aktibatu da, eta irailaren 7ra arte iraungo du, Italiako Gobernuak Espainiatik datozen bidaiarientzako Schengen eremua bertan behera uzteko dekretuari erantzuteko.