ETAren biktimentzako "duintasun demokratikoa" aldarrikatu dute Iruñean
Dozenaka pertsonak ETAko sei biktimen senideak lagundu dituzte igande honetan, Iruñean. Udalak omenaldia antolatu du, haien “duintasun demokratikoa” azpimarratzeko eta bizitza galdu zuten tokietan plakak jartzeko.
ETAren biktimen izenekin hirian plakak jartzeko, Udalak antolatzen duen hirugarren ekitaldia izan da. Omenaldian, besteak beste, senitartekoek eta lagunek, terrorismoaren biktimen elkarteek, Maria Chivite Foru Gobernuko presidenteak, Jose Luis Arasti Espainiako Gobernuak Nafarroan duen ordezkariak eta Inmaculada Jurio Parlamentuko presidenteordeak hartu dute parte.
Enrique Maya Iruñeko alkatea, Navarra Suma (UPN, PP eta Ciudadanos) koalizioa, PSN eta Geroa Baiko ordezkariak ekitaldian izan dira, baita Foruzaingo, Espainiako Polizia, Iruñeko Udaltzaingo eta Guardia Zibileko buruzagi batzuk ere.
Leku bakoitzean, omendutakoen senideek hartu dute hitza, eta Foru Gobernuari kritika argiak egin dizkiote, EH Bildurekin duen harremanagatik. ETAk Jose Luis Prieto Foruzaingoko buruzagi eta militar ohia, Juan Atares eta Julio Gangoso guardia zibilak, Jesus Blanco Noaingo aireportuko langilea eta Juan Jose Visiedo eta Tomas Palacin Espainiako poliziak hil zituen tokietan izan dira.
Haien izenak bertan izateko plakak jarri dituzte. “Egia, memoria, duintasuna eta justizia” aldarrikatu dituzte, ETAren Biktimen Nafarroako Elkartearen (ANVITE) leloa, hain zuzen ere.
Aurreneko lekuan, “gure babesa eta errespetua” eskaini die Enrique Maya alkateak familiei. Era berean, biktima ezagunak gogorarazi ditu, baita “bere garaian aitortza izan ez zutenak” ere. Horregatik, “hilketa guztiak argitzeko lankidetza” eskatu du.
Lehen geldialdian Jose Luis Prieto Garcia gogora ekarri dute. Duela 40 urte hil zuten Barañain Etorbidean, mezara zihoanean. Paz Prieto haren alabak eskerrak eman dizkie bildu diren ia 200 pertsonei, bere anai-arrebak, seme-alabak eta lobak laguntzeagatik.
Gutxi geroago, Gaztelugibelera joan dira, bertan Juan Atares hil zutelako. Luis haren bilobak familiaren izenean eskerrak eman ditu omenaldiagatik, eta biktimak “urteetan zehar ahaztuak eta ia gutxietsiak” izan direla gogorarazi du.
Iruñeko beste hiru tokitan antzeko ekitaldiak egin dituzte, zegokien plaka jarriz, senideen lore eskaintza eta errespontsu batekin. Datozen asteetan ekitaldiak errepikatuko dituzte beste biktima batzuekin.
Zure interesekoa izan daiteke
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.
Auzitegi Gorenak 24 urteko kartzela-zigorra ezarri dio Jose Luis Abalosi eta 19koa Koldo Garciari, ustelkeriagatik
Auzitegi Gorenak aho batez eman du epaia, eta Victor de Aldama enpresaburuari ere eragin dio, lau urte eta erdiko kartzela-zigorra ezarri baitiote.
Botere Judizialaren Kontseiluak atea zabaldu du Peinado epaileari espedientea irekitzeko, Poliziari egindako aipamenengatik
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.