Rajoyk eta Aznarrek ere ukatu egin dute PPk 'b kutxa' zuela
Mariano Rajoy Espainiako Gobernuko presidente ohiak esan du ez dagoela "PPren b kutxarik", eta zegoena "Barcenasen paper batzuk" zirela eta bera izan beharko dela "azaldu behar dituena"; izan ere: "Lotsagarria izaten ari da bizitzen ari garen guztia".
"Ez da b kutxarik egon eta sekula ez dut birrindu eskuartean izan ez dudan paperik", azaldu du Rajoyk Auzitegi Nazionalean lekuko gisa egin duen agerraldian. Auzitegi Nazionala epaitzen ari da PPren egoitzaren erreforma ustez b kutxako diruarekin ordaindu izana.
Hori horrela, esan du "gezur borobila" dela "Barcenasen paperak" berak suntsitu dituenik, Luis Barcenas PPren diru-zain ohiak adierazi zuenaren kontra. Esan du hedabideen bitartez izan zuela paper horien berri, 2013an, eta "metafisikoki ezinezkoa" dela berak suntsitu izana.
Rajoyk Aznarren ostean deklaratu du bideokonferentziaz, eta erabat ukatu du gainsoldatak jaso izana. "Sekula ez ziguten ezer eman", azpimarratu du, Barcenasi "egun batean gauza bat eta hurrengoan beste bat" esatea leporatu aurretik.
Bestalde, Aznarrek berretsi du ez zuela inoiz ordainketarik agindu, atzo Jaime Ignacio del Burgo diputatu eta Nafarroako presidente ohiak iradoki zuenaren kontra. Del Burgok esan zuen 1991n Calixto Ayesa kontseilari ohiari 3,9 milioi pezeta eman zizkiola, eta bere ustez Aznarren aginduz egin zuela.
Aznarrek nabarmendu du ez zuela ordainketarik agindu ez zelako bere "egitekoa" eta ez zelako bere "eskumenetan" edo "arduretan" sartzen. "Ez dut ordainketarik baimendu", adierazi du behin eta berriz.
Presidente ohiak, era berean, ukatu egin du "PPn b kontabilitatea" zegoenik, eta azpimarratu du alderditik jasotako guztia transferentzia bidez izan zela, eta Ogasunean deklaratu zuela.
"Ez dakit zer egin duten besteek eta ez zait axola, ez dakit nire ondorengoek zer egin duten, eta hori ere ez da nire interesekoa", gaineratu du Aznarrek, 1990etik 2004ra PPren buru izan zenak.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.