Hauteskunde eguna dute gaur Madrilen, tentsio eta konfrontazio giroan
Hauteskunde kanpaina amaitu ostean, gogoeta izan zuten atzo Madrilgo Erkidegoan. Gaurko hauteskundeetan, 5,1 milioi herritar daude botoa ematera deituta. Inkesta guztiek Isabel Diaz Ayuso hautagai popularra jotzen dute irabazteko faborito, baina ikusteko dago bozak lanegun batean egiteak parte-hartzeari nola eragingo dion.
Proposamen gutxiko eta tentsio handiko kanpaina izan da. Konfrontazioak nabarmen egin du gora Pablo Iglesias Unidas Podemoseko hautagaiak eta Espainiako Gobernuko beste kide batzuek mehatxu gutunak jaso ostean. Geroago, Isabel Diaz Ayuso hautagaiari ere gisa bereko gutun bat bidali zioten.
Martxoaren 10ean hasi zen guztia. Isabel Diaz Ayuso Madrilgo Erkidegoko presidenteak hauteskundeak aurreratzeko erabakia iragarri zuen, Murtzian PSOEk eta Ciudadanosek, PPri boterea kentzeko asmoz, zentsura-mozioa aurkeztu ondoren.
Madrilen antzeko zerbait gerta zitekeen beldur, gertakizunei aurrea hartu eta maiatzaren 4rako hauteskundeak deitzea erabaki zuen.
Pablo Iglesiasek Espainiako Gobernua utzi eta Madrilgo hauteskundeetan Unidas Podemosen hautagai izateko erabakia mugarri izan zen. "Sozialismoa edo askatasuna" leloa "Komunismoa edo askatasuna" bihurtu zuen orduan Ayusok.
Mehatxu gutunak ere beste mugarri bat izan ziren. Martxoaren 22an Pablo Iglesias hautagaiak eta Espainiako Gobernuko kide batzuek bala kartutxoak jaso zituzten. Giroa are gehiago gaiztotu zen Rocio Monasterio Voxeko hautagaiak mehatxu horien sinesgarritasuna zalantzan jarri ostean. Egun batzuk geroago, Isabel Diaz Ayuso presidenteagaiari zuzendatutako gisa bereko gutun bat hauteman zuten.
Beraz, proposamen gutxi eta zarata asko. Angel Gabilondo hautagai sozialistak, bestalde, maiatzaren 4tik aurrera itunak egiteko gonbita egin zion Pablo Iglesiasi. Aurrez, Monica Garcia Mas Madrideko hautagaiak Unidas Podemosekin hautagaitza bateratua aurkezteko proposamena baztertu zuen. Ciudadanosek (PPren gobernukidea izan da), berriz, beherakada nabarmena izango du, aurreikuspenen arabera.
Inkesten arabera, boto-emaileen % 20k ez dute oraindik erabaki botoa nori emango dioten. Itxuraz, eserleku gutxiren aldearekin erabakiko da hurrengo presidentea.
Azken erabakia botoa emateko eskubidea duten 5.112.658 madrildarrek izango dute.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.