Mendia: "Ez dugu onartuko gutxieneko diru-sarreraren kudeaketa osoa ez dakarrenik"
Idoia Mendia bigarren lehendakariorde eta Lan eta Enplegu sailburuak nabarmendu duenez, "Eusko Jaurlaritzak ez du onartuko bizitzeko gutxieneko diru-sarreraren kudeaketa osoa ez dakarren proposamenik", eta, gogorarazi duenez, uko egin dio Espainiako Gobernuaren eskaintzari. Dena dela, baikor agertu da, eta azpimarratu du espero duela Espainiako Gobernuarekin akordioa lortzea prestazio hori Euskadik "bere osotasunean" bere egin dezan.
Eusko Legebiltzarreko kontrolerako saioan EH Bilduk horren harira egindako galdera bati erantzunez egin ditu adierazpen horiek Mendiak.
Nerea Kortajarena koalizio abertzalearen legebiltzarkideak salatu duenez, Escrivak prestazio horren "eskaera" bakarrik kudeatzea proposatu du. Ondorioz, proposamen horrek ez luke bizitzeko gutxieneko diru-sarrera EAEko babes sozialarekin sisteman "integratzeko" aukera emango, kritikatu du.
Kortajarenaren aburuz, "Ministerioak nahi duena da diru-sarrerak bermatzeko errenta bizitzeko gutxieneko diru-sarrera horren menpe egotea, eta asmo horrek Eusko Jaurlaritzak diseinatu duen diru-sarrerak bermatzeko errenta sistemaren erreforma zapuztuko luke".
"Nire agertokia eta Eusko Jaurlaritzarena akordioa da; horrekin ari gara lanean", adierazi du gai honen inguruan Espainiako Gobernuarekin hurbilketa lortzeko aukerari buruz. Lehendakariak zalantzan jarri du transferentziak izango luken zentzua, baldin eta Euko Jaurlaritzaren zeregin bakarra bizitzeko gutxieneko diru-sarrera kudeatzea balitz, "horrez ez bailieke herritarrei ezer askorik erraztuko".
Mendiak azpimarratu du diru-sarrerak bermatzeko errenta "erreferentea" dela beste lurralde batzuetan dauden laguntzentzat eta bizitzeko gutxieneko diru-sarrera sistemarentzat berarentzat, eta, beraz, "logikoena" azken hori diru-sarrerak bermatzeko euskal sisteman sartzea dela azpimarratu du.
"Ez dugu bizitzeko gutxieneko diru-sarreraren transferentzia osoa ez den beste agertokirik planteatzen", ohartarazi du. Mendiak azaldu duenez, bere saila eta Gobernantza eta Autogobernu Saila Espainiako Gobernuarekin lanean ari dira transferentzia epe "laburrean" gauzatzeko.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.