Irene Monterok berretsi du justiziak bizkarra eman diola Irune Costumerori
Irene Montero espainiar Gobernuko Berdintasun ministroak salatu du justiziak, haren alabaren zaintza kenduta, "bizkarra eman" diola Irune Costumerori. Gainera, "seme-alabak indarkeria matxistatik babesten dituzten amen kontrako tratu txar judiziala" existitzen dela azpimarratu du.
Bizkaiko Auzitegiak absolbitu egin ditu Sergio Murillo Gizarte Ekintzako diputatua eta Bizkaiko Foru Aldundiko Haurren Zerbitzuko hiru funtzionario, prebarikazio, tratu txar eta lesio psikologikoen ustezko delituengatik.
Ebazpenaren harira, Monterok sare sozialetan idatzi du seme-alabak indarkeria matxistatik babestu eta justiziak "bizkarra ematen diola ikusten duen" ama baten samina irudikatzea ezinezkoa zaiola. "Nire babes guztia Irune Costumerori", gaineratu du ministroak.
Horrez gain, gogorarazi du GAS (gurasoek eragindako alienazio sindromea, eta Costumero auziko akusatuek erabili zuten argudioa) legez debekatuta dagoela ekainetik, haurtzaro lege berriaren baitan.
"Justizia feminista behar dugu, giza eskubideak kontuan hartzen dituena. Haurrak entzun behar ditugu. Onartezinak dira seme-alabak indarkeria matxistatik babestu nahi dituzten amek pairatzen dituzten tratu txar judizialak", erantsi du Monterok.
Costumero auzia, epaitegietan
2017an banandu zuten umea amarengatik eta etengabe saiatu den arren, kasua ez da epaitegietara iritsi orain arte. Orduz geroztik aitarekin bizi da haurra, umeak berak zein amak aitaren tratu txarrak salatu izan dituzten arren.
Bost urte eta sei hilabeteko espetxe zigorra eskatzen zuen akusazioak akusatuentzat, baina, azkenean, absolbitu egin dituzte. Halaber, Bizkaiko Foru Aldundia ere absolbitu dute (arduradun zibil subsidiario gisa eraman zuten auzitara).
Aitor Estebanek Irene Montero kritikatu du
Bestalde, Aitor Esteban EAJko diputatuak Irene Montero ministroa gogor kritikatu du, justizia feminista aldarrikatu duelako eta epaimahaiak Irune Costumerori bizkarra eman diola esan duelako.
Sare sozialetan zabaldutako mezu batean, "arinkeriaz" eta "dogmatismo ideologikoaz" aritu izana leporatu dio Estebanek Monterori. "Agerian geratu da ez duela epaia irakurri, ezta gainerako ebazpenak ere", erantsi du.
Horrez gain, auzipetuta egon diren "funtzionarioen errugabetasun presuntzioa" eta bere adierazpen "arduragabeak" eragin ditzakeen "kalteak" kontatutan izan ez dituela leporatu dio. "Denak ez du balio", idatzi du.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.