PPko militante batek Gasteizen eraso egin diotela salatu du
Ander Garcia Oñate Euskadiko PPko militanteak salatu du Gasteizen eraso egin diotela alderdi politiko horretako kide izateagatik, Eusko Jaurlaritzako Segurtasun Sailak jakitera eman duenez.
Hain zuzen ere, larunbat gauean, 22:10 aldera, SOS Deiak zerbitzura deitu zuen esanez emakume batek "PPko militantea izateagatik" eraso egin ziola, Florida kalean.
Ertzainak bertaratu ziren eta ustezko erasotzailea, 20 urteko emakume bat, atxilotu zuten. Igandean, epailearen esku utzi dute, gizon horri ukabilkada bat ematea egotzita.
Aipatutako iturrien arabera, lesioen partea ireki zuten, biktimak ukabilkada bat jaso zuelako, baina osasun arloko langileek ez zuten artatu behar izan.
Erreakzioak
Testuinguru horretan, Carlos Iturgaiz Euskadiko PPko presidenteak gertatutakoa gaitzetsi du eta bere babesa adierazi dio erasoa jasan duen alderdikideari. "Beste behin ere, Euskadiko PPko afiliatu bati eraso egin diote Gasteizen PPko militantea izateagatik. Nire babesa adierazi diot lankide gazteari, eta irmo gaitzetsi nahi dut eraso hau; izan ere, erradikalak, Bilduk txalotuta, Euskadin elkarbizitzaren minbizia direla erakusten du", esan du Iturgaizek Twitterren zabaldutako mezu batean.
Pablo Casado PPko presidenteak ere erasoa gaitzetsi du Twitterren zabaldutako mezu batean: "Irmo gaitzetsi nahi dugu Ander Garcia alderdikideak jasan duen eraso abertzalea". Casadok, gainera, Gobernuaren aurka egin du: "Haiekin itunak egin beharrean, Bilduren ingurukoen indarkeriari aurre egin behar dio, terroristak harrotzen dituztelako eta ETAren 377 hilketa zigorgabe argitzea oztopatzen dutelako".
Gorka Urtaran Gasteizko alkateak ere gaitzetsi du erasoa, Twitter bidez zabaldutako mezu batean. "Nahikoa da", azpimarratu du Urtaranek. Gainera, irmo gaitzetsi du erasotzailearen jarrera, eta horrelako erasoak egitera bultzatzen dituztenenak.
Horren harira, Denis Itxaso Espainiako Gobernuak Euskadin duen ordezkariak adierazi duenez, "ezker abertzaleak arazo bat du gorrotoaren herentziarekin, eta erabakitasunez egin behar dio aurre". Hala, "elkartasuna" agertu die erasoa jasan duen gizonari eta haren familiari.
Covite Terrorismoaren Biktimen Kolektiboak ere gaitzetsi du erasoa, eta "hainbeste urtetan ETA babestutako gorrotoa" euskal gizartearen zati batetik desagertu ez izana deitoratu du.
Arabako Podemos-Ahal Duguk ere "babesa eta maitasuna" agertu dio gazteari, eta "tolerantzia falta" gaitzetsi du. Sare sozialetan zabaldutako mezu batean, koalizioak honako hau adierazi du: "Gorrotoak ez du tokirik gure artean, are gutxiago indarkeriak eta tolerantziarik edo elkarrizketarik eza, elkarbizitza politiko eta hiritarrerako".
Felix Gonzalez EH Bilduk Gasteizko Udalean duen bozeramaileak "gaitzespena" agertu du azken orduetan PPko militante batek Arabako hiriburuan jasan duen erasoaren aurrean. "EH Bilduk Gasteizen gertatutako erasoa gaitzesten dugu, eta elkartasuna adierazi nahi diogu erasotuari", idatzi du txio batean koalizio subiranistaren udal bozeramaileak.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.