Sanchezekin ETAko presoei egindako ongietorriak "nabarmen" gutxitu direla esan du Barne Ministerioak
Fernando Grande-Marlaska Espainiako Barne ministroak nabarmendu duenez, PSOE agintera heldu zenetik ETAko presoei egindako ongietorriak "nabarmen" gutxitu dira: 2017an 70 izan ziren, eta 2019an, 20. Hori horrela, biktimak bere ez egiteko eskatu dio Alderdi Popularrari.
"Alderdi guztietan izan dira biktimak, ETAko biktimengatik negar egin dugu, denak dira gureak eta: PPrenak, PSOErenak, Segurtasun Indarrenak, zibilak... ez ditzagun gure egin", azpimarratu du Grande-Marlaskak Maria Teresa Jimenez-Becerril PPko diputatuari emandako erantzun batean.
PPko diputatuak galdera egin dio Barne ministroari Sarek Arrasaten egindako azken ekitaldiaren harira ("EH Bildurekin egindako akordioaren parte al zen ETAko kideei omenaldiak ez egiteko Europatik egindako eskakizuna urratzea?")
Ministroak gogorarazi du, Auzitegi Nazionala ez dela zigor koderaren 578 artikulua (terrorismo delituei dagokiena) aplikatzen ari, ETA deseginda dagoenez ekitaldi horiek "delitu gisa jotzeko zailtasunak" direlako. Horren harira, iragarri du Ministerioa terrorismoaren biktimak babesteko eta aitortzeko lege proiektua prestatzen ari dela, eta bertan isunak aurreikusten dituztela tankera horretako ekitaldiak antolatu eta parte hartzen dutenentzat.
PPko diputatuak salatu duenez, Sanchezen Gobernuak "bere burua saldu du odolez zikindutako bost botoren truke (EH Bilduko bost diputatuenak), eta ETA garaiezina bihurtu du haren oinordekoekin ituna eginda".
Cs-ren ekimen batek Kongresua zatitu du
Hain justu, ongietorriekin lotutako legez besteko proposamen bat aurkeztu du asteon Ciudadanosek (Cs). Ekimenean tankera horretako ekitaldiak debekatzeko deia egiten zaie Espainiako Gobernuak EAEn eta Nafarroan dituen ordezkariei. Horrez gai, ongietorriak baimentzen zituztenak kanporatzea proposatu du Cs-k. Ekimena ostegunean bozkatuko dute Kongresuan, baina ez da aurrera aterako taldeek aurreratutako asmoak betez gero.
Ciudadanosen beraren eta PPren arteko testua da eztabaidatuko dena, eta Voxek, UPNk eta Foro Asturiasek alde bozkatuko dutela iragarri dute. Testuan Herritarren Segurtasunerako ("mozal legea") Legea baliatzea proposatu dute.
Espainiako koalizio gobernua osatzen duten alderdiek (PSOE eta Unidas Podemos), ERCk, EH Bilduk eta EAJk, aldiz, babestuko ez dutela aurreratu dute.
Mikel Legarda EAJko diputatuak gogorarazi duenez, auzitegiek aztertu eta erabakitzen dute deialdi bakoitza baimendu ala ez. Bestalde, Mertxe Aizpuruak ((EH Bildu) nabarmendu duenez, "euskal ezker independentistak badu kontuan biktimen mina; denen sufrimendua ulertu, aitortu eta errespetatzen du, biktima guztiena, ETAko biktimena ere".
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.