Servinik Martin Villa auzipetu du Martxoaren 3agatik eta German Rodriguezen heriotzagatik
Maria Servini epaile argentinarrak Rodolfo Martin Villa ministro ohi frankista auzipetu du 1976ko martxoaren 3ko Gasteizko sarraskiagatik eta 1978ko sanferminetan German Rodriguezen heriotzagatik.
Andoni Txasko Martxoak 3 Elkarteko bozeramaileak esan du 1.000 orri inguruko autoak, kolektiboak irakurri ahal izan duenak, UCDren ministro ohia auzipetzea agintzen duela hainbat elkartek aurkeztutako kereilak aztertu ostean. Kereila horiek ez zituzten tramitera onartu ere egin Espainiako Estatuan.
Kereilak genozidioa eta gizateriaren aurkako krimenak egozten dizkio Villari, tartean 1976ko martxoaren 3an Gasteizen bost langile hiltzeagatik.
Era berean, 1976tik 1977ra sei heriotza gehiago leporatzen dizkiote poliziaren agintari goren zenari, eta horien artean dago German Rodriguezena 1978ko sanferminetan.
"Argi geratzen da epailearen jarrera eta helburua zein den", adierazi du Txaskok, autoarekin gustura agertu ostean.
Plataformako abokatuak testu judiziala aztertzen ari dira noraino iristen den jakiteko, eta eman beharreko pausoak erabakitzeko. Datorren astean emango dute ondorioen berri.
Martin Villak errugabe zela defendatu zuen 2020ko irailean telematikoki Serviniren aurrean egin zuen agerraldi batean, Argentinak Madrilen duen Kontsulatuan, eta "Trantsizioan genozidioa izatea ezinezkoa" zela azpimarratu zuen.
Martin Villaren helegitea
Gobernazio ministro ohiak Apelazio Ganberara joko du auzipetzearen aurkako helegitea sartzeko, eta baita bermea atzera botatzeko ere, Efe albiste-agentziak ministro ohiaren inguruko iturriak aipatuta jakinarazi duenez.
Iturri horiek gogorarazi dute 2017an Apelazio Ganberak atzera bota zuela, oinarririk ez zuelakoan, Servinik emandako atxilotzeko agindua, eta atzera bota zuen ere, gehiegizkoa zelakoan, askatasunean deklaratzeko ezarritako bermea.
Ministro ohiaren abokatuek duela gutxi auzia bertan behera uzteko eskatu zioten epaileari, Martin Villaren deklarazioan oinarrituta.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.