Martin Villa espetxeratzeko eskatuko dute frankismoaren biktimek
Argentinako Kereila Babesteko Estatuko Koordinadorak Rodolfo Martin Villa ministro frankista espetxeratu dezala eskatuko dio Maria Servini epaile argentinarrari. 1976ko martxoaren 3an Gasteizen Poliziak egindako sarraskiarengatik eta 1978ko Sanferminetan German Rodriguez hiltzeagatik auzipetu du ministro frankista.
Halaber, koordinadorak jakinarazi du 78ko Sanferminak Gogoan plataformak testigantza eta dokumentazio gehiago biltzen saiatuko dela, Martin Villa beste hainbat krimenengatik ere auzipetu dezaten.
Eduardo Fachal abokatu argentinarrak azpimarratu du prebentziozko espetxeratzea eskatuko dutela Martin Villaren aurka. Alabaina, zehaztu du kartzelatzea auzipetze-autoa irmoa denean soilik gauzatu ahalko dela eta horrek luze jo dezakeela, ministro frankistak errekurtsoa jartzeko asmoa iragarri baitu.
Bestalde, Jacinto Lara koordinadorako abokatu espainiarrak azaldu duenez, Servini epaileak ikerketan laguntzeko eskatu die Espainiako Estatuko botereei bere autoan. Ildo horretan, Espainiako Gobernuari, fiskalei eta epailei prozesu honetan traba gehiagorik ez jartzeko exijitu die Larak.
Horrez gain, memoria historikoaren lege-proiektuan frankismoan nahiz trantsizio garaian izandako krimenen biktimei babes judizial eraginkorra bermatzeko zuzenketak onar ditzatela eskatu dio Espainiako Gobernuari.
Zure interesekoa izan daiteke
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.
Nafarroako Gobernuak bere gain hartu du trafiko isunak kudeatzeko prozedura administratiboa
Barne kontseilariaren arabera, pauso garrantzitsua da Nafarroak trafiko eskumena osorik kudeatzeko bidean. Halaber, Foruzaingoa, Guardia Zibila eta udaltzaingo guztiak integratu dira isunak kudeatzeko plataforma informatikoan.
Albiste izango dira: Eskumenen inguruko bilera, polemika unibertsitatera sartzeko probarekin eta Venezuelako lurrikara
Orain-ek gaur landuko dituen albiste nagusien laburpena.
EHUko Ikasle Kontseiluak ohartarazi du erabaki judizialak berdintasun printzipioa hautsi dezakeela
EH Bilduk, Ezker Anitzak, Steilasek eta LABek bat egin dute epaitegien erabakiaren aurkako kritikarekin, eta PPk eta PSE-EEk neurriak hartzeko eskatu diote Unibertsitateari.