PSE-EEk idazkari nagusi berria aukeratuko du larunbat honetan, Andueza faborito argi dela
PSE-EEren 5.000 militantek idazkari nagusi berria aukeratuko dute larunbat honetan, Idoia Mendiaren oinordekoa, eta Eneko Andueza da faborito argia Soraya Morla Basauriko zinegotzi ohiaren aurrean.
Anduezari zenbait abantaila aitortzen dizkiote, tartean ezagunagoa dela Eusko Legebiltzarrean bozeramaile izateagatik, Gipuzkoan idazkari nagusi izateagatik eta zuzendaritzaren babesa edukitzeagatik. Horrek militanteen parte-hartzea txikitu dezake, jakintzat ematen baitute hautagai gipuzkoarra izango dela garaile.
Hautagai basauriarrak berak aitortu du, Radio Euskadin, oso aukera gutxi dituela, eta azpimarratu du garaipena izan zela hautagaitza aurkezteko nahikoa babes lortzea. "Errealista naiz, ez galtzailea, hautagaitza aurkeztea garaipen handia izan zen", adierazi du.
Gainera, bozketa aurrez aurrekoa izango da, udal taldeetan, eta Santu Guztien egunak ekarriko duen asteburu luzearen hasieran egingo dute; beraz, litekeena da horrek guztiak eragina izatea parte-hartzean.
Bi hautagaiek 12 eguneko epea izan dute, hilaren 18tik gaur arte, militanteei alderdiarentzat dituzten proposamenak azaltzeko.
Kanpaina barnekoa izan da, bi hautagaiek ez dute agerraldi publikorik egin, eta Morlak afiliatuei igorritako gutuna izan da filtratu den bakarra.
Eneko Anduezak alderdiaren bestelako ekitaldietan parte hartu du Legebiltzarreko bozeramaile eta Gipuzkoako idazkari nagusi den heinean, eta bereziki Bizkaiko eta Arabako udal taldeen aurrean aritu da bere asmoak azaltzen.
Soraya Morla, ordea, ez da PSE-EEren herriko etxeetan izan kanpainan, nahiz eta babesak lortzeko egin zuen bira bat. Azkenean, gutun bat igorri zien afiliatuei, eta sare sozialetan ere zabaldu ditu mezuak.
Itunak
Eneko Andueza PSE-EEren Idazkaritza Nagusirako hautagai eta Eusko Legebiltzarreko bozeramaileak esan du beste alderdi batzuekin itunak lortzeko prest dagoela, baina "baldintza eta gainditu ezin diren marra gorriak" badaudela azpimarratu du. Horiei buruz galdetuta, eta ezker abertzalea hizpide hartuta, indarkeria gaitzestea beharrezkoa dela erantsi du, "herri honetan gertatu den guztian erantzukizun zuzena duelako".
Morlak, bere aldetik, argi adierazi du ezkerreko hirukoaren aldeko apustua egiten duela berak, PSE-EEk EH Bildurekin eta Elkarrekin Podemos-IUrekin bat egitearen aldekoa.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.