Enparantza: "ETA existitzen denik ezin da mantendu. Gezurra da"
13/13 auziko epaiketa sententziaren zain geratu da, epaiketa hasi eta lau hilabete geroago, eta prozesu judiziala abiatu eta 10 urte beranduago. Auzia euskal presoen abokatuen atxiloketekin eta bulegoen miaketekin hasi zen. "Akusazio oso larriak entzuten lau hilabete eman ditut. Nire erara defendatzen naiz (…) ETA existitzen denik ezin da mantendu. Gezurra da", azpimarratu du Jon Enparantza akusatuak azken saioan.
Epaiketa amaitu baino lehen, bi akusatuk azken hitza hartzeko eskubidea erabili dute. "Guardia Zibilaren txostenaz, zantzuak oso eskasak direla esan nahi nuke", errepikatu du Arantza Zuluetak. Bere akusazioa oinarritzeko agiriak bera bizi ez zen etxebizitza batean topatu zituztela gogorarazi du Zuluetak.
Gainera, ETAko militantea izan ez dela nabarmendu du Zuluetak. Borroka armatuan parte hartu edo defendatu ez duela erantsi du. Ezker abertzalearen abokatu gisa ETAren amaiera lortzeko lan egin duela aldarrikatu du.
"Bizikidetzaren eta bakearen alde berriro pauso garrantzitsu bat eman dela iruditzen zait. Horrek epaiaren testuinguruan garrantzia izan dezake. Ezker abertzalearen eztabaida horietan bai parte hartu dut, horretan ardura badut, ETAn ez", ziurtatu du. Horrela, urriaren 18an biktimei "eragindako kaltea aitortzeko adierazpen" bat egin zela gogorarazi du.
Zuluetaren hitzetan, Aieteko Adierazpenaren eta indarkeriaren amaieraren hamargarren urteurrenean emandako aurrerapausoa kontuan hartu beharko litzatekeela uste du Zuluetak, "epaiari begira".
Hitza hartu duen azken akusatua Jon Enparantza izan da. Indarkeria behin betiko uzteko erabakiaren ostean, "hainbat urte pasa ondoren, deitoragarria da gatazkaren ondorioei ikuspuntu polizialetik edo judizialetik heltzea", adierazi du.
"Egokiagoa izango litzateke ikuspuntu konstruktiboago, positiboago batetik aurre egitea", esan du. Angela Murillo epaimahaiko presidenteak Enparantzari erantzun eta Fiskaltzari eraso egiteko hitzaldi politiko bat ematea aurpegiratu dio. "Hemen ez da politikarik egiten, Justizia egiten da. Hitzaldi hori beste toki batean eman, hemen ez. ETAren inguruko hitzaurrerik ez egin", esan dio magistratuak.
Zuluetak eta Enparantzak ez bezala, gainerako lau akusatuek --Naia Zuriarrain, Iker Sarriegi, Saioa Agirre eta Nerea Redondo—ez dute azken hitza hartzeko eskubidea erabili.
Akusatuek azken hitza hartu baino lehen, Nerea Redondoren abokatuak bere azken ondorioak azaldu ditu. Gainerako abokatuek egin bezala, absoluzioa eskatu du, "inongo deliturik egin ez duelako".
Saioa Agirreren abokatua hitza hartzen azkena izan da. Agirre aske uztea eskatu du.
Zure interesekoa izan daiteke
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.