ETAren mehatxatuek jasandako "kaltea" gogora ekarri dute, "estigma bakardadean pairatu zutelako"
Espainiako Gobernuak Euskadin duen Ordezkaritzak eta Terrorismoaren Biktimen Memoria Zentroak gogora ekarri dute gaur ETAren mehatxatuek urteetan zehar jasandako "kalte etengabea". "Erabateko askatasunik gabe", gainera, "estigma bat bakardadean pairatu zutelako", Denis Itxaso Espainiako Exekutiboak EAEn duen ordezkariak azpimarratu dutenez.
Memoriaren Eguna dela eta ekitaldia egin dute Irungo (Gipuzkoa) udaletxean. Florencio Dominguez Memoria Zentroaren zuzendariak nabarmendu duenez, hildakoak, zaurituak eta bahituak "soilik ez" dira terrorismoaren biktimak, baita milaka mehatxatuak ere. Haien aitortzarik gabe "memoriaren mapa osatu gabe legoke", erantsi du.
Biktima horiek aintzat hartu ditu gaurko ekitaldiak, "ETA talde terroristaren mehatxua eta xantaia jasan zutenak", bizkartzainarekin edo babeserako neurriekin urteak eman zituztelako. Jose Antonio Santano Irungo alkateak ere hitza hartu du zeremonian.
Hala ere, Juan Luis Ibarra magistratua, Charo Zarzalejos kazetaria, Emiliano Lopez Achurra Petronorreko presidentea eta Asun Guerra Andoaingo PPren zinegotzi ohia izan dira ekitaldiko protagonista nagusiak. "Beldurraren" testigantza eskaini dute.
Eduardo Zubiaurre Confebaskeko presidentea eta zenbait enpresetako zuzendariak; epailetzako ordezkariak, besteak beste, Carmen Adan EAEko fiskal nagusia; eta komunikabidetako ordezkariak, tartean Gabriel Mugica Diario Vasco-ko zuzendari ohia, ekitaldian izan dira, baita Poliziako buruzagi batzuk ere.
Itxasoren hitzetan, "biktima izatea estigma bihurtu zen, eta burbuila baten bakardadean urteetan zehar jasan behar izan zuten" mehatxatuek, "onespenik ezaren isiltasun latzean harrapaturik".
Bestalde, ekitaldia egiteko Irun zergatik aukeratu duten azaldu du Dominguezek. Zentzu horretan, zerrendatu duenez, ETAk hildako gehien dituen EAEko laugarren udalerria da, 23 hain zuzen ere, gainera 86 eraso izan dira bertan, eta 104 kale indarkeria ekintza, 24 zauriturekin.
Mehatxatu kopuruari dagokionez, Bakearen Aldeko Koordinakundeak egindako azterketa aipatu du Dominguezek. Mehatxatuak "42.000 baino gehiago" direla zenbatu zuen.
Memoriaren Eguna azaroaren 10ean egiten da 2010etik. Asteazken honetan beste hiru ekitaldi izango dira: Eusko Jaurlaritzak eta Gogora Institutuak Gipuzkoako Aldundian antolatutakoa, Donostian; eta beste bi Gasteizen, Eusko Legebiltzarrean bat, eta PPk biktimen oroitarrian egingo duena.
Zure interesekoa izan daiteke
Grande-Marlaskaren eta Roblesen kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularreko idazkari nagusiak, Gasteiztik, Fernando Grande-Marlaska Espainiako Gobernuko Barne ministroaren eta Margarita Robles Defentsa ministroaren kargugabetzeak eskatu ditu, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.