PP+Cs koalizioak amaitutzat eman ditu aurrekontuen negoziazioak
PP+Cs legebiltzar taldeko presidente Carlos Iturgaizek amaitutzat eman ditu Eusko Jaurlaritzarekin aurrekontu-akordio baterako aukerak aztertzeko negoziazioak, eta datozen egunetan osoko zuzenketa aurkeztuko duten aztertuko dute.
Iturgaitzek Bilbon Pedro Azpiazu Ekonomia eta Ogasun sailburuarekin izan duen bileraren ostean egin ditu adierazpenok, 2022ko euskal aurrekontuen inguruan akordioa lortzeko aukerak ikusteko. Hurrengo ekitaldiko kontuak aztertzeko bigarren bilera zen.
Iturgaizek adierazi duenez, "zoritxarrez" ez du jaso Eusko Jaurlaritzaren aldetik espero zuten "harmena" bere taldearen planteamenduen aurrean; planteamendu horiek zergak jaistea, presio fiskal txikiagoan aritzea eta 1.000 milioiko geldikina gauzatzea zuten helburu.
"1.000 milioi metatu direnean eta gizarteko asko pandemiarekin hain gaizki pasatzen ari direnean, hala nola ostalaritza, merkataritza, autonomoak, enpresari txiki eta ertainak eta abar, diru hori guztia gauzatzeko ahalegina egin behar zen", gaineratu du.
Azaldu duenez, Eusko Jaurlaritzak ez die kontraproposamenik helarazi, ez zeudelako ados gerakin hori egikaritzearekin, eta bileran sailburuari hori "aurpegiratu" dio.
Iturgaizek esan du ezker muturrari "keinu asko" egiten dizkiotela "Podemosi eta Bilduri" akordioak lortzeko, eta ez dagoela Eusko Jaurlaritzaren "planteamendurik" bere taldeari aurrekontu-itun bat ixteko.
Zure interesekoa izan daiteke
Chivitek, Esparzari: "Gauza bat da arazoak egotea, eta bestea, osasun sistemaren egoera larria izatea"
UPNk eskatuta, Nafarroako Parlamentuko Foru Araubidearen Batzordean osasun sistemari buruzko azalpenak eman ditu Maria Chivite Foru Erkidegoko presidenteak. Osasunbidean "hobetzeko gauzak" badirela aitortu arren, egoera ez dela larria ziurtatu du. Javier Esparza UPNko parlamentariak, aldiz, behin eta berriz esan du egoera "oso larrian" dagoela osasungintza publikoa.
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularreko presidentearen iritziz, "orain arte ikusi gabekoa da" Espainiako une honetako egoera politikoa. Bere ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
EH Bilduk ere babestuko du Gipuzkoan zerga turistikoa ezartzea
EAJk eta PSEk EAEko hiru lurraldeetarako Elkarrekin Podemosekin lortutako akordioarekin haren onarpena bermatuta zegoen.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.
Imanol Pradalesek azalpen “azkar eta gardenak” eskatu dizkio Zapaterori, eta EH Bilduk zuhurtzia eskatu du, Plus Ultra auziaren aurrean
Lehendakariak azalpenak eskatu dizkio Jose Luis Rodrigez Zapatero Espainiako presidente ohiari, Plus Ultra auzian inputatu ondoren, eta errugabetasun-presuntzioa errespetatzeko beharra azpimarratu du. Bestalde, EH Bilduk, Nerea Kortajarenaren bidez, zuhurtzia eskatu du eta ohartarazi du horrelako auziek “zurrunbilo” politiko eta mediatikoak sor ditzaketela.
Nor da nor Plus Ultra auzian?
Auzitegi Nazionalak Jose Luis Rodriguez Zapatero Espainiako Gobernuko presidente ohia egitura antolatu baten "buruan" kokatu du. Haren helburua, epailearen arabera, bertako eta nazioarteko erakundeetan eragitea eta hirugarrenen zein sarearen beraren aldeko etekin ekonomikoak lortzea zen.
Pradalesek eta Clavijok Europako migrazio-itunean "zer esana" izatea eskatu dute
Lehendakariak eta Kanarietako presidenteak Espainiako Gobernuari idazki bat bidaltzea erabaki dute, ekainaren 12an indarrean sartuko den Migrazio eta Asilorako Europako Itunaren jarraipen-, finantzaketa- eta ebaluazio-mekanismoetan parte hartzea eskatzeko.
Kortajarenak kritikatu du orain hiru urte EH Bilduk Munduko Futbol Txapelketaren inguruko zalantzak agertu zituenean proiektua "munduko onena" zela
Jose Luis Rodriguez Zapateroren inputazioaren aurrean zuhurtziaz aritzea hobe dela nabarmendu du, behin eta berriz, Nerea Kortajarena EH Bilduko legebiltzarkideak Euskadi Irratian egin dioten elkarrizketan.
Albiste izango dira: Pradalesen eta Clavijoren arteko batzarra Gasteizen, Zapateroren inputazioa eta Vladimir Putin eta Xi Jinping bilduko dira, Pekinen
Gaurkoan Orain-en albiste izango direnen laburpena, bi hitzetan.