Diputatuen Kongresuak bitarteko langileen legea onartu du, eta orain Senatuaren esku geratuko da
Enplegu publikoan behin-behinekotasuna murrizteko lege-proiektua onartu du Diputatuen Kongresuak ostegun honetan. Lanpostu publiko berean gutxienez bost urtez egondako bitarteko langileentzako konkurtsoak gordeko ditu legeak, oposizioak baztertuz.
Konkretuki, lege-proiektuak aldeko 170 boto jaso ditu, 156 abstentzio, horien artean PP, Vox eta Ciudadanosena, eta kontrako 5 boto.
Proiektua Senatuaren esku geratuko da orain. Miquel Iceta Funtzio Publikoaren ministro ohiak Administrazioko sindikatuekin adostutako lege-dekretua du abiapuntu ekimenak. Kongresuan indargabetzea saihestu zuten, PSOEk Unidas Podemosekin eta ERCreki akordioa itxi ondoren.
Ondoren Espainiako Gobernuak ERCrekin eta EAJrekin akordioa itxi zuen, lanpostu publiko berean gutxienez bost urtez egondako bitarteko langileak finko egiteko, oposiziorik gabe, meritu konkurtso baten bidez, Langile Publikoen Oinarrizko Estatutuaren 61.6 artikuluari helduta.
Kongresuko eztabaidan, Mikel Legarda EAJko diputatuak eta Pilar Vallugera ERCko ordezkariak behin betiko testuari egindako ekarpenak defendatu dituzte, baina bazterrean geratu diren gaiak badaudela onartu dute.
Azken hilabeteetan proiektuan sartu diren hobekuntzengatik pozik agertu dira Junts eta EH Bildu, baina oraindik "zintzilik geratu diren gai ugari" daudela erantsi du koalizio abertzaleak.
Gainera, Mertxe Aizpurua diputatuak uste du alde asko zehazteke daudela, adibidez, 2024an behin-behinekotasun tasa % 8 baino handiagoa ez izateko neurriak.
Zure interesekoa izan daiteke
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.