Villarejo ezagutzen ez duela eta PPren 'b kutxa' existitzen ez dela adierazi du Rajoyk
Mariano Rajoy Espainiako Gobernuko presidente ohiak adierazi du auzitegiek ez dutela frogatu Alderdi Popularrean 'b kutxarik' izan zenik; Luis Barcenas PPko diruzain ohiaren eta Jose Manuel Villarejo komisario jubilatuaren testigantzei sinesgarritasuna kendu die; eta 'Kitchen auzian' akusatu nagusia den Jorge Fernandez Diaz Barne ministro ohiaren errugabetasuna defendatu du.
Rajoy presidente zenean Barne Ministerioak Luis Barcenas zelatatzeko eta PPko buruzagiak ustelkeria kasuekin nahasita zeudela frogatu zezaketen dokumentuak kentzeko ezkutuko operazio bat antolatu ote zuen argitzeko ikerketa batzordea eratu zuten Kongresuan eta han deklaratu du Rajoyk.
Parlamentarien galderei erantzunez, Rajoyk berretsi egin du ez duela Villarejo ezagutzen, harekin inoiz ez duela harremanik izan eta Maria de Cospedal PPko idazkari ohiak inoiz ez ziola esan Villarejorekin bildu zela alderdiaren Madrilgo egoitza nagusian.
"Villarejo jauna ez dut ezagutzen eta ez dut inoiz harekin topo egin eta, beraz, inoiz ez naiz berarekin bildu eta inoiz ez dut berarekin hitz egin, ezta zeharka ere. Nik dakidala inoiz ez dit mezurik bidali eta nik inoiz ez diot mezurik erantzun", adierazi du.
Halaber, 'Kitchen operazioari' buruzko berririk ez zuela inoiz izan eta, ondorioz, berak ez zuela operazio hori martxan jartzeko agindu eman azpimarratu du.
Villarejok beraien arteko balizko harremanari buruz testigantza ezberdinak eman dituela gogoratuta, komisario ohiaren testigantzari sinesgarritasuna kendu dio.
"Komeni zaiena jomugan" jartzen dutela eta defentsarako eskubidea baliatuta "gezurretan" ari direla salatu du.
Jorge Fernandez Diazen harira, Rajoyk nabarmendu du ez duela uste Kitchen operazioa martxan jarri zuekin eta erantsi du haren kontrako ebazpen judizial irmorik ez dagoen bitartean haren errugabetasun printzipioa gailentzen dela.
Horrez gain, Rajoyk ukatu egin du PP ezkutuko kontabilitatea izateagatik zigortu dutenik orain arte egin diren epaiketa ezberdinetan. "Nik ez dut inoiz 'b kutxaren' berririk izan eta epaileek ez dute esan halakorik izan denik", adierazi du.
Onartu du Barcenas ustelkeriagatik zigortu zutela, baina erantsi du "obra baten zati bat diru beltzarekin" ordaindu zuelako zigortu zutela eta horrek ez duela esan nahi PPn "b kutxarik" izan ez denik.
Rajoyren agerraldiak ikusmin handia piztu du Kongresuan. Espainiako Gobernuko presidente ohiak PPko hainbat goi-karguk babesa izan du, tartean Cuca Gamarrarena eta Ana Pastorrena.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.