"Ertzaintza ahalegin kolektibo baten bidez aurrera egiten duen trainerua da", lehendakariaren hitzetan
40 urte bete berritan, "ahalegin kolektibo baten bidez aurrera egiten duen trainerua da Ertzaintza", Iñigo Urkullu lehendakariak nabarmendu duenez. Urtemuga biribilaren harira omenaldi ekitaldia egin dute gaur BECen (Barakaldo, Bizkaia) eta Urkulluk bertan egin ditu adierazpenok.
Aintzatespen ekitaldian Ertzaintzaren talde eta unitate ezberdinetako kideak, Segurtasun Saileko buruzagi nagusiak eta EAEko erakunde, alderdi, sindikatu, justizia eta hedabideetako ordezkariak izan dira. Ekitaldian izan dira, besteak beste, Ardanza eta Garaikoetxea lehendakariak, EAEko hiru hiriburuetako alkateak, EAEko Auzitegi Nagusiko presidentea edo Kataluniatik etorritako Generalitateko Barne kontseilaria.
Bertaratutakoen aurrean egindako hitzaldian, lehendakariak "harro" goraipatu du "herritik jaio eta herriaren zerbitzura dagoen erakundearen sendotasuna". Agenteei zuzenduta esan duenez, "zuen konpromisoak, sakrifizioek eta ahaleginek merezi dute gure aitortza eta esker onik sakonena. Belaunaldi berriek lekukoa hartuko dute eta zuon eskarmentu, ezagutza eta balioak jasoko dituzte oinordetzan".
Segidan, Agirre lehendakariak 1936an sortutako Ertzaña hartu du ahotan Urkulluk, "300 gizonez eta lehen bi sekzioekin, motorizatutakoa eta infanteriazkoa, sortutako tresna boteretsua". Orduko hartan, polizia hura sortzeko nagusi izan zen espiritua aldarrikatu du lehendakariak, Agirrek sinatutako adierazpenaren pasarte bat irakurrita: "Polizia gorputz honek bere ekintza, lan, ahalegin eta zuzentasunagatik miresmena eta maitasuna sorraraziko du, ez beldurra edo arbuioa. Errespetuaren zaintzaile, lasaitasunaren tresna eta herriaren lagun izateko jaio da, gaizkilea harrapatzeko eta bakea hautsita dagoen lekuetan berrezartzeko dituen ahalmen eta xedeagatik".
Ia bost hamarkada igaro behar izan ziren Ertzaintzaren ernamuina jaiotzeko Berrozin (Araba), eta 1982ko otsailean jarri zen martxan Arkautiko Akademiaren lehen promozioa.
Ekitaldian lanean zirela hildako ertzainen aldeko omenaldia egin dute, batez ere ETAk hildako 15 agenteen aldekoa. Lehendakariaren hitzetan, desagertutako erakunde armatua "gizartea eta Ertzaintza bera kikiltzen saiatu zen baina ez zuen lortu". Ildo beretik, "egun hauetan giza eskubideen urraketa sistematikoa" gogora ekarri du Urkulluk, "Europar Batasunaren muga berean". "Gaur berriro diogu Ukrainaren aldebakarreko inbasio armatua gaitzesten dugula, baita justifikaziorik gabeko erasoaren ondorioak jasaten ari direnekiko elkartasuna adierazi ere", erantsi du.
Azkenik, polizia autonomikoak "gizarte modernoaren erronka berriei" erantzuteko premia aipatu du Urkulluk, "Europan integratzeko, prebentzioa indartzeko, digitalizazioa zabaltzeko edo berdintasuna sustatzeko", besteak beste.
Zure interesekoa izan daiteke
Gerraren eta berdintasun ezaren aurrean demokrazia defendatzeko deia egin du Sanchezek
Demokrazia defendatzeko Bartzelonan egin duten IV. bileraren hasieran egin ditu adierazpenok espainiar presidenteak. Horren hitzetan, bertan bildutako guztiek "kezkak" eta "erantzukizunak" partekatzen dituzte, horregatik, erabakiak hartzera bultzatu ditu gonbidatu guztiak.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.