Espainian "aldaketa gosea" dagoela esan du Feijook, PPko presidente izendatu berritan
Espainian "aldaketa gosea" dagoela esan du Alberto Nuñez Feijook, PPko presidente izendatu berritan egin duen hitzaldian. XX. Kongresua egiten ari da Alderdi Popularra Sevillan (Espainian), eta han hartu du buruzagi galiziarrak Pablo Casadoren lekukoa, botoa emateko eskubidea zuten alderdikideen % 98,35en babesa jasota. Pedro Sanchez presidente duen Espainiako Gobernua "agortzeko bidean" dagoela nabarmendu du, alternatiba bakarra PP dela esanez.
Oraindik Galiziako Xuntako presidente ere badenak adierazi duenez, "zatituta dagoen Gobernu bat ez dute merezi espainiarrek, zerbait hobeagoa merezi dute". Ildo horretan, Alderdi Popularrak Sevillako Kongresuan erakutsi duen "batasunean" jarri du azpimarra. Herritarren arazoei "erantzun eraginkorra" emateko gai den alderdi bakarra berak ordezkatzen duena dela azaldu du Feijook.
Halaber, "polemikak, liskarrak eta eztabaida antzuak alde batera utzi" eta "herriaren zerbitzura" lan egiteko deia egin die alderdikideei.
Bestalde, PPko presidentea izateari utziko dion Pablo Casadok ostegun honetan iragarri zuenez, Diputatuen Kongresuko eserlekua lagako du, eta alderdian edozein erantzukizun hartzeari uko egiten dio.
PPren kongresuan hitza hartu du Casadok. Alderdi barruan lanean jarraitzea eskaini izana eskertu dio Alberto Nuñez Feijoo ordezkoari, baina aukera hori baztertzea erabaki du.
Bestalde, bere agintaldian zehar utzitako ondarea aldarrikatu du Casadok, "alternatiba fidagarri eta sinesgarria" eraiki duelako, eta orain Feijoori "Moncloaren atarian" dagoen Alderdi Popularra emango diolako. "Merezi izandako guztian berretsi nahi dut, eta edozein zauri espainiarren alde lan egitearen ondorioa da", azpimarratu du.
Zure interesekoa izan daiteke
Ikertzaileek uste dute Zapaterok etxetik ematen zituela "jarraibide" nagusiak
Espainiako presidente ohiak Madrilgo Las Rozas auzoan duen bizitokia ustezko ustelkeria sarearen gune garrantzitsua zela dio UDEFen txostenak, nahiz eta epaileak ez zuen eman hura miatzeko baimenik.
Semperrek EAJri eskatu dio Estebanen hitzekin "koherente" izateko
Datorren asteazkenean, PPk mozio bat aurkeztuko du Senatuan, Espainiako Gobernuaren jokabidea gaitzestea eskatzeko. Hedabideen aurrean egindako agerraldian, Borja Semper PPko bozeramailea Gobernua babesten duten alderdiei zuzendu zaie, eta bereziki EAJri, ekimena babestea eskatzeko. Uste du aukera aparta dutela jeltzaleek Aitor Esteban EBBko presidenteak asteburuan esandakoekin "koherente" izateko.
Arartekoak ofiziozko espedientea ireki du Ertzaintzak Loiun izan zuen jokabidearen aurrean
Ebazpenean, Arartekoak adierazi du "gertaeraren larritasunak eta horrek izan duen eraginak" bultzatuta hartu duela espedientea zabaltzeko erabakia, egiaztatu nahi duelako indarraren erabilera eta Barne Arazoetarako Buruzagitzak abiatutako barne ikerketa bat datozen "aplikatu beharreko arauekin eta Segurtasun Sailak ekintza polizialen inguruan zehaztutako jarraibideekin".
Nafarroako Parlamentuak atzera bota ditu Athleticen elastikoaren aurkako bi ekimen
Adierazpen instituzionalerako bi proposamenetan, UPNk eta Voxek Parlamentuari eskatu diote Athleticek ekipazio berrian Nafarroa Euskal Herriko mapan sartu izana salatzeko.
Podemosek Bingen Zupiriaren dimisioa eskatu du, Ertzaintzak flotillaren aurka erabilitako "basakeria polizialagatik"
Pablo Fernandez Podemoseko bozeramaileak "gaitzesgarritzat" jo du ertzainen jokabidea. Sumar alderdiko legebiltzarkide Jon Hernandezek salatu du Ertzaintzaren jarduna “argi eta garbi neurrigabea” izan zela.
Sanchezek Espainiako Gobernuaren kudeaketa defendatu du eta jarraitzeko prest dagoela adierazi du
Espainiako presidenteak adierazpenok egin ditu Estebanek atzo esandakoen ondotik; izan ere, buruzagi jeltzaleak legegintzaldia aurten amaitzeko eskatu zion presidenteari, jarraitzea “arduragabekeria” litzatekeela iritzita.
Begoña Gomezen katedra aurreikusitako araudiaren arabera sortu zela ondorioztatu du UCOk
UCOk Juan Carlos Peinado epaileari bidalitako txostenen arabera, katedra aurreikusitako izapideen arabera sortu zen, eta Gomezen banku-kontuen informazioa "bat dator jarduera profesionalen garapenarekin". Hala ere, irregulartasunak topatu ditu katedraren softwarea garatzeko bi enpresei egindako kontrataziotan: Deloitte Consulting eta Making Science Group.
Coalicion Canariak legegintzaldia amaitutzat eman du, eta EH Bilduk eta Sumarrek jarraitzeko eskatu diote Sanchezi
Arnaldo Otegik La Vanguardian egindako elkarrizketa batean adierazi duenez, legealditik geratzen denak "helburu bat izan behar du".
Coalicion Canariak legegintzaldia bukatutzat eman du eta hauteskundeak eskatu ditu: "Herritarrek gobernu berria aukeratzeko momentua da"
Konfiantza-mozioa eskatu dio Sanchezi, eta PPk zentsura-mozio baterako deitu ez diola esan du, ez dizkiotelako zenbakiak ematen.
Diez-Antxustegi: "EAJ oso kritikoa da Sanchezekin, baina horrek ez du esan nahi Feijoo babestuko dugunik"
Bestalde, "larunbatean Loiun eta Mendizorrotzan ikusitako irudiak ez zitzaizkidan gustatu", adierazi du Ertzaintzak flotillako ekintzaileekin izandako jokabidearen inguruan.