Espioitza ikertzeko eta erantzukizunak bere gain hartzeko eskatu dio Kataluniako Parlamentuak Gobernuari
Kataluniako Parlamentuko Bozeramaileen Batzordeak adierazpena onartu du Espainiako Gobernuari Pegasus malwarearekin ustez egindako espioitza politikoa ikertzeko eskatuz.
Adierazpena ERC, Junts, CUP eta En Comun Podem taldeen aldeko botoekin atera da aurrera. PSCk ez du babestu, berak aurkeztutako zuzenketak ez direlako onartu, nonbait, iturri sozialisten arabera. Besteak beste, "independentismoaren kontrako auzia"ri erreferentziarik ez egitea, eta "jazarpen eta disidentzia politikoa" ez aipatzea. Halaber, Espainiako Gobernuari barik, eskea Estatuari zuzentzea galdegin dute sozialista katalanek.
Zehazki, honakoa jasotzen du adierazpenak: "Disidentzia politikoaren kontrako legez kanpoko espioitza horren aurrean, ahalik eta lasterren ikertzeko, eman beharreko azalpenak emateko eta dagozkion erantzukizunak bere gain hartzeko eskatzen diogu Espainiako Gobernuari".
Era berean, "zelatatutako pertsonen eskubideak babesteko" konpromisoa hartu du Ganberak testuan, eta "biktimek aurkeztuko dituzten salaketen harira abiatzen diren auzietan pertsonatu" egingo dela iragarri du.
Espainiako Estatuari "demokraziaren kontrakoa den espioitza politikoa desagerrarazteko" neurriak berehala hartzeko galdegin diote Estatuari, baita "proiektu politiko bat defendatzeagatik inor zelatatua eta jazarria izan ez dadin bermatzeko" ere.
Adierazpena babestu duten taldeen ustez, espioitza "masibo" horrek herritarren eskubideak larriki urratu ditu. Hala, elkartasuna adierazi diete zelatatutako pertsonei. Besteak beste, gogorarazi dutenez, Laura Borras Kataluniako Parlamentuko presidentea, Pere Aragones presidentea, Torra, Puigdemont eta Mas presidente ohiak eta Parlamentuko hainbat diputatu daude zerrendan.
Parlamentuaren gehiengoaren arabera, Pegasus malwarea erabiltzea "independentismoaren kontrako auziaren parte da, 2017an abiatutako mugimendu baketsu eta demokratikoa indargabe uzteko asmoarekin".
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".