Generalitatearekin bilduko da gaur Bolaños, espiotza politikoaren polemikaz hitz egiteko
Kataluniako eta Euskal Herriko 65 politikari independentisten eta haien ingurukoen kontrako espioitza politikoaren polemika lehertu eta sei egunera, Felix Bolaños Espainiako Gobernuko Presidentetza ministroa Bartzelonara joango da igande honetan, Generalitateko ordezkariekin biltzera. Hain zuzen, Laura Vilagra Kataluniako Gobernuko Presidentetza kontseilariarekin du hitzordua.
Espainiako Gobernuak ohar bidez jakitera eman duenez, eskandalua lehertu zenetik bi aldeen artean abiatutako elkarrizketei jarraipena emango diote gaurko bilerarekin. Generalitatearen Jauregian batzartuko dira, 10:00etan, eta ondoren hedabideen aurrean adierazpenak egingo dituzte.
Pedro Sanchez Espainiako Gobernuko presidente denetik, Kataluniarekin duten harremana mantentzea eta "elkarrizketarako borondateari eustea" oso garrantzitsuak direla nabarmendu dute bileraren berri emateko igorri duten idatzian. "Gobernu honek elkarrizketarako eta akordiorako borondateari eutsiko dio", zehaztu dute.
"Elkarlan instituzionala eta elkarrizketa" erdigunean jarrita, azken urteotan egindako bidea da bi exekutiboen arteko harremanaren isla, Espainiako Gobernuak esan duenez. "Nondik gatozen eta non gauden gogoratzea garrantzitsua da. Guk bide horri eustearen alde lan egingo dugu. Kataluniarrek, bereziki, eta espainiarrek, oro har, eskertu egingo dute", gehitu dute oharrean.
Bien bitartean, larunbatean, Yolanda Diaz Espainiako Gobernuko bigarren presidenteorde eta Laneko eta Gizarte Ekonomiako ministroak ohartarazi zuen salatutako espioitza ez dela "inolaz ere onargarria demokrazia batean", eta aitortu zuen beldur dela telefonoz hitz egiten duenean bera ere zelatatuko ote duten.
Pegasus ziberespioitza programaren bitartez egindako espioitza politikoari buruz aritu zen Diaz, Catalunya Ràdio irratian: "Ezagutu ditugun gertakariak oso larriak dira. Ez dira onargarriak gurea bezalako gizarte demokratiko batean".
Telefonoz hitz egiten duenean "lasai" dagoen galdetu ziotenean, Diazek honakoa erantzun zuen: "Ez, ni ez". Zelatatuko ote duten beldur den galdetu ziotenean, berriz, presidenteordeak azpimarratu zuen: "Bai, egia esateko, bai".
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.