"Monarkia edo errepublika", galdeketa ez loteslea egin dute larunbat honetan Hegoaldeko 50 lekutan
Estatu Espainiarreko estatu eredua monarkia edo errepublika izan beharko ote litzatekeen aukeratzeko herri galdeketa ez loteslea egin dute gaur, maiatzak 14, Estatu osoan. "Estatu mailako Monarkia ala Errepublika herri-kontsultaren Plataforma"k deituta, 700 bozketa mahai jarri dituzte botoak jasotzeko, horietako 50 bat gehiago Araban, Bizkaian, Gipuzkoan eta Nafarroan. Atzerrian ere 15 puntutan jarri dituzte boto-kutxak.
11:00etatik 15:00etara egon dira irekita bozketa mahaiak. Gaurko 20:00etarako jakinarazi behar ditu mahai bakoitzak bere datuak Madrilera eta bihar emango dira ezagutzera.
"Egungo biztanleriaren gehiengoak ez zuen 1978ko Konstituzioa bozkatzeko aukerarik izan, eta botoa emateko aukera izan zuenak, Estatu eredua aukeratzerik ez zuen izan. Horregatik, plataforma zabal eta anitza osatu dugu, herritarrak bi aukeren inguruan iritzia eman ahal izateko. Kontsulta loteslea izango ez dela badakigu, baina adierazpen bide bat da, parte hartzeko bide bat, eta ekintza demokratiko bat, erabakitzeko eskubidea gauzatzeko" esan dute antolatzaileek.
Iruñean, adibidez, jende andana joan da botoa ematera eta oso gustura agertu dira deitzaileak.
Podemosen, Ezker Anitza-IUren, PCEren eta antikapitalisten babesa izan du galdeketak, baita hainbat herritar elkarte eta sindikaturena ere. Beste aldetik, Voxek eta PPk "legez kontrakoa" dela salatu dute.
13.437 boza Nafarroan
Guztira, 13.437 herritarrek parte hartu dute Nafarroan herri-galdeketan, "aurreikuspen guztiak gaindituta". Izan ere, egunean zehar boza-paper bikoitza inprimatu behar izan dute. Bozetatik 13.127k errepublikaren alde egin dute, 200k monarkiaren alde, 94 boto zuri izan dira eta 16 baliogabe.
Guztira, 42 boza-mahai izan dira Nafarroa osoan, 10:00etatik 15:00ak arte, monarkia eta errepublikaren artean aukeratzeko herri-galdeketarako.
Bozketa lekuak Araban
Jendea botoa ematen Gasteizen. Argazkia: EFE
Gasteizen
-Loma Generala plaza
-Labastida plaza
-Praga etorbidea
-Espazio sala
Laudion
- Lamuza plaza
Bozketa lekuak Bizkaian
Barakaldon
-Bide Onera plaza
Basaurin
-Begoñako Andra Mari kalea
Bilbon
-Bailen kalea
- Karmelo kalea, 12. zenbakia
Elorrion
-Herriko Plaza
Erandion
-Irailaren 23 plaza
Galdakaon
-Iturriondo plaza
Ortuellan
-Catalina Gibaja kalea
Portugaleten
-Plaza del Solar
Santurtzin
-Udaletxeko paseoa
Sestaon
-Hiru kontzejuen plaza
-Balmaseda kondearen plaza
Sopelan
-Sabino Arana kalea
Bozketa lekuak Gipuzkoan
Arrasaten
-Elkano Kalea
Deban
-Foruen plaza
Donostian
-Katalunia plaza
Irunen
-Urdanibia plaza
Ordizian
-Nafarroako etorbidea
-Plaza Nagusia
Hernanin
-Zinkoa plaza
Bozketa lekuak Nafarroan
Aiegin
Altsasun
Antsoainen
Atarrabian
Barañainen
Berriozarren
Burlatan
Caparroson
Carcastillon
Cascanten
Castejonen
Falcesen
Garinoainen
Iruñean
Larragan
Lizarran
Lodosan
Lumbierren
Miranda de Argan
Marcillan
Mutiloan
Ribaforadan
San Adrianen
Sarrigurenen
Tafallan
Tuteran
Zangotzan
Ziraukin
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.