AHTa Nafarroara heltzeko "lan diskretua" egiten jarraituko duela azpimarratu du Foru Gobernuak
"Euskal Y"a Iruñarekin lotzeko bideak aurrez aurre jarri ditu Nafarroako Gobernua (PSNk Geroa Baik eta Podemos Ahal Duguk osatutakoa) eta Navarra Suma eskuineko koalizioa (Na+) gaur Nafarroako Parlamentuan egindako kontrolerako saioan. Javier Esparzak (Na+) egindako interpelazioan, "PSOEren eta Bilduren atzetik ibiltzea" egotzi dio Chiviteren gobernuari. Horri erantzunez, Bernardo Ciriza Lurralde Kohesiorako kontseilariak azpimarratu du Foru Gobernuak "lan diskretua" egiten jarraituko duela AHTa Nafarroara hel dadin. "Hori baita garrantzitsuena, gero ikusiko dugu Ezkiotik edo Gasteizetik heldu behar den", gaineratu du.
Elkarri mokoka ibili dira Ciriza eta Esparza. Navarra Sumako bozeramaileak argibideak eskatu dizkio kontseilariari Nafarroako Gobernuak zein bide nahiago duenari buruz. Pasadan astean, lotune horren inguruan zeuden "desadostasunak" aitortu zituen Espainiako Garraio ministroak, baina "uda baino lehen" hiru aldeen (Espainiako Gobernua, Jaurlaritza eta Nafarroako Gobernua) arteko bilera egingo zutela iragarri zuen, auzia argitze aldera. Bi aukera daude: lotunea Ezkio-Itsasotik (Gipuzkoa) egitea edo Gasteizetik. Lehen aukera laburragoa da, baina baita garestiago ere.
Esparzak Gipuzkoako bidea defendatu du, "Nafarroarentzat aukera onena" delakoan, baita ingurumenaren alorretik ere. Gasteiztik joateak, horren ustez, Nafarroa "bigarren mailako bide" bihurtuko du Europako konexioan. Navarra Sumako bozeramaileak gogorarazi duenez, 2019an Ezkioren alde egiten zuten Nafarroako sozialistek, eta iritziz aldatzea egotzi die, "Espainiako Estatuak —PSOEri erreferentzia eginda— aukera merkeena nahiago duelako". "Sentsazioa daukat PSOEk ez duela Nafarroan inbertsiorik egin nahi, EH Bilduk lanak atzeratu nahi dituela, eta hortaz, ziur nago PSNk batzuek zein besteek diotena egingo duela, eta ez nafarren onurarako dena".
Emandako erantzunean, AHTa bultzatzeko Nafarroako Gobernuak emandako "pausu oso garrantzitsuak" balioetsi ditu Ciriza kontseilariak. Besteak beste, Iruñeko Etxabakoitz auzoan eraikiko duten geltokiaren xehetasunak zehaztu ditu edo 0 zatian (Castejongoa) edo Tafalla-Campanas artekoan Europatik etorriko diren inbertsioak goraipatu ditu. "AHTari bultzada ematea ekintzekin egiten da, ez esanekin", nabarmendu du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.