Aizpurua: "Sanchez atakan dago; PPrekin ituna egingo balu PSOEren akabera izango litzateke betiko"
Mertxe Aizpurua EH Bilduk Diputatuen Kongresuan duen bozeramaileak uste du Andaluziako hauteskundeen emaitzak "jendearen nekea eta dezepzioaren" ondorio direla, eta, horren aurrean, Pedro Sanchez Espainiako Gobernuko presidentea "ataka larrian" dagoela. Izan ere, bi gauza egin ditzake PSOEko buruak Aizpuruaren aburuz, "daukana indartu (Unidas Podemosen koalizioari eta inbestidura blokeari eutsita), eta nire ustez hori egin beharko luke" ala "PPrekin itun bat sinatu eta horrek PSOEren akabera suposatuko luke betiko".
Andaluziako hauteskundeetan PPk lortutako garaipen argia eta PSOEren eta ezkerreko alderdien danbatekoa aztergai izan ditu koalizio subiranistaren kideak Euskadi Irratiko "Faktoria" saioan. Aizpuruaren ustez, aipatzekoa da Alderdi Popularrak bozak nola enfokatu dituen: "Ayusorengandik erabat aldenduta, kanpaina erabat andaluza egin du, eta PP ia ezkutatuta geratu da. Andaluziaz aritu dira, eta PPren izaera lausotuta geratu da, eta funtzionatu egin dio".
Emaitzok PSOE eta Sumar indarrengan dituzten ondorioak zeintzuk diren ikusteko "astebete edo" itxaron behar dela uste du Aizpuruak. "Horrelako kolpea jaso ondoren hausnarketa sakona egin behar da. Milaka pertsona etxean geratu dira, eta oso larria da", azaldu du. Yolanda Diaz bera ere "nahiko ukituta" geratu dela iritzi dio, eta, horren hitzetan, "zatitutako ezker bat ahula" dela agerian utzi dute emaitzek. "Frantzian gertatukoa —NUPES ezkerreko indar metaketak emaitza onak jaso ditu— adibide baliagarria da Espainiako Estatuko egoera serioski hartzeko. Erronka bat da munduan zehar eskuinerantz gertatzen ari den joera horri aurre egiteko", esan du.
Izan ere, Aizpuruak aitortu du Espainiako koalizio gobernu "aurrerakoiak neurri onak" hartu dituela, baina "nahikoak" ez direla sumatu du gizarteak. Erregaien prezioa merkatzeko neurria jarri du horren adibide. "Herritarrek ez dute ia igarri eta onurak petrolio konpainientzat izan dira", arrazoitu du. Hala, dekretua hilaren 30era arte indarrean dagoela eta koalizioak "neurri gehiago eta neurri berriak" proposatuko dituela iragarri du. "Hainbat neurri planteatu ditugu, eta ikusiko dugu zer onartzen duten, baina uste dugu batzuk onartuko dituztela", aitortu du.
Zure interesekoa izan daiteke
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.