Gernika memoria toki izenda lezakete, Ezkabako gotorlekuarekin eta Cumbre jauregiarekin batera
Gernika-Lumo (Bizkaia), biztanleriaren kontra egindako sarraskien nazioarteko sinboloetako bat, memoria demokratikoko leku izenda lezakete, irailean indarrean sartuko den Memoria Demokratikoaren Espainiak Legeak ezarritakoaren arabera. Araudia uztailean onartu zuten Kongresuan, besteak beste, EAJren eta EH Bilduren aldeko botoekin, eta, Senatutik igaro ostean, aurki sartuko da indarrean.
Iruñetik gertu dagoen Ezkabako gotorlekua, frankismo garaian preso errepublikarren kartzela izandakoa, eta Donostiako Cumbre jauregia, Lasa eta Zabala torturatu zituzten lekua, hala izendatuko dituzte EH Bilduk eta Espainiako Gobernuak lortutako akordioari esker.
Litekeena da Gernika bera ere zerrenda horretara batzea. Izan ere, Memoria Demokratikoaren Legeak, beste hainbat neurriren artean, herritarren kontrako "errepresioarekin eta indarkeriarekin" harremana duten garrantzi bereziko lekuen inbentarioa osatzea aurreikusten du. Asmoa da lekuon garrantziaren berri ematea eta memoria historikoa aldarrikatzea; gainera, funtzio didaktikoa emango diete. Nafarroako eta Gipuzkoako aipatutako horiez gain, Erorien Harana (aurrerantzean Cuelgamuros harana izendatuko dute) eta Salamancako Memoria Historikoaren Dokumentazio Zentroa daude erregistro horretan.
Araudi berriaren arabera, 1936ko estatu kolpearen, Gerra Zibilaren, diktadura frankistaren edota erbestearen ondorioz, "herritarren kontrako errepresioa edo indarkeriaren gune izan diren lekuak, eraikinak, paisaiak edota kultura ondasun ez-materialak izango dira memoria demokratikoaren lekuak. Tokiok "balio demokratikoak berreskuratu eta horietan sakontzeko" gako izango dira, legeak jasota duenez.
Memoria Demokratikorako Estatu Idazkaritzari dagokio tokiok izendatzea. Biktimen senitartekoek, memoria historikoko elkarteek eta erkidegoek proposamenak egin ahalko dituzte.
Emilio Silva Memoria Historikoa Berreskuratzeko elkartearen presidenteak EFE albiste agentziari azaldu dionez, Espainiako Estatuan leku askok izan behar dute memoria demokratikoko lekuak. Are gehiago, gogorarazi duenez, erkidego batzuek memoria historikoaren inguruko legeak dituzte dagoeneko, eta hainbat leku izendatuta daude.
Hori da Nafarroaren kasua. Foru Erkidegoa aitzindaria izan zen Memoria Historikoaren legea onartzen, 2013an.
13 Memoria Toki Nafarroan
2019tik, bereziki babestutako 13 toki ditu Foru Erkidegoak. Hala nola, Sartagudako Memoriaren Parkea, Otsoportilloko leizea, Olabeko hilobia, Igari eta Bidankoze arteko errepidea, Erreniegako Hilobien Memoriagunea edota Azkoiengo emakume errepresaliatuen memoriarako eskultura.
Euskal Autonomia Erkidegoak ere Memoria Historikoaren Legea izango du aurki, gaur egun Legebiltzarrean izapidetzen ari baitira. Lege proiektuak memoria leku izenda daitezkeen leku, ibilbide edo espazioak aurreikusten ditu, baina gerora gauzatu beharko den araudi baten menpe egotea ezarria du.
Dena dela, gauza ziurra da Gernika-Lumo zerrenda horretan egongo dela. Condor Legioak eta Italiako hegazkin faxistek duela 85 urte bonbardatu zuten Bizkaiko udalerria. 1.645 pertsona hil eta 889 zauritu zituzten, eta udalerriko eraikinen % 70 suntsituta geratu ziren.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.