Ortuzarrek akordioak egitera deitu ditu gobernuak eta alderdiak, "herritarrei erantzun egokiak emateko"
Andoni Ortuzar Euzkadi Buru Batzarreko presidenteak EAJren aldi politiko berriari hasiera eman dio ostiral honetan, Zarautzen egindako ekitaldian. Besteak beste, Pedro Sanchez Espainiako Gobernuko presidentea premiatu du orain arte adostutako konpromisoak betetzera, "dei berri hau ezerezean geratuko" ez denaren esperoan.
Halaber, bertan izan dira Joseba Egibar, Gipuzko Buru Batzarreko presidentea; Jokin Landa, Zarauzko Uri Buru Batzarraren presidentea; Bakartxo Tejeria Eusko Legebiltzarreko presidentea; Xabier Txurruka eta Eneko Goia, Zarautz eta Donostiako alkateak hurrenez hurren, baita Bingen Zupiria Eusko Jaurlaritzaren bozeramailea ere.
Energiaren eskasiak eta prezioek "denbora latzak" ekarriko dituztela argudiatuta, gobernuen eta alderdien artean "akordioak egitea" dagokiela adierazi du Ortuzarrek, "egoera konplexu honetara moldatzeko eta, bereziki, herritarrei erantzun egokiak emateko".
Era berean, Espainiako Gobernuko presidenteari berretsi nahi izan dio alderdi jeltzalearekiko harremanak "seriotan" hartzeko: "Sanchezen inbestiduran hitz eman genituen konpromiso guztiak betetzen ari gara. Sanchezi eta bere Gobernuari dagokie orain berenak betetzea".
Ortuzarrek gaineratu du "oso geldoa" dela 2019ko abenduan Sanchezekin izenpetutako inbestidura akordioak betetzeko erritmoa. "Estatutua osorik betetzeko egin behar diren elkarrizketetan dagoen paralisia guztiz ulertezina da", deitoratu du.
Bertakoari begira, ohartarazi du oposizioak "joko eremua lokaztu" nahi izango duela urte politiko berri honetan, eta "bereziki gogorra" izango dela udal eta foru hauteskundeetan".
Bukatzeko, EH Bilduri zuzendu zaio, eta "akordio serio" baterako gonbidapena luzatu dio. Esan duenez, "gas kontsumoa murriztu behar da, baina inork ez du esaten gasik ez badago euskal industria lehiakorrik ere ez dagoela, ezta lanposturik ere. Ahoa betetzen zaie burujabetzaz, baina energiari dagokionez menpekotasun handia daukagu". Hala, proposamen berriak eskatu ditu, "Euskadi errealaren beharrak asetzeko".
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.