Legealdiko azken aurrekontu orokorrak onartu ditu gehiengo zabal batek aldeko 187 botorekin
2023rako Estatuko Aurrekontu Orokorrak aurrera atera dira Diputatuen Kongresuan aldeko 188 botorekin.
Aurrekontu proiektuak PSOE (120), Unidas Podemos (33), EAJ (6), EH Bildu (5), ERC (13), PDeCAT (4), Coalicion Canaria (2), Mas Pais (2), Compromis (1) eta PRC (1) indar politikoen babesa izan du.
PP, Ciudadanos, Vox, Junts, CUP, Foro Asturias, UPNtik kanporatu zituzten Navarra Sumako bi diputatuak, eta Teruel Existek (156) kontrako botoa eman dute, eta BNG abstenitu egin da.
Senatuan onartuz gero, Espainiako Gobernuak aurrera ateratzen dituen ondoz ondoko hirugarren aurrekontuak izango lirateke, eta, ziurrenik, azkenak izango dira; izan ere, egutegiak bat egingo luke 2024ko kontuen tramitazioarekin, Gorteen desegitearekin eta hauteskunde-kanpainarekin.
Bozketaren emaitza. Irudia: Diputatuen Kongresua
Pedro Sanchez Espainiako Gobernuko presidentea pozik agertu da Ganberatik irtetean, eta Maria Jesus Montero Ogasun ministroak bozketaren aurretik esan du "ondoz ondoko hirugarren aurrekontuak dira, eta hori ez zen gertatzen duela 10 urtetik, eta horrek esan nahi du Exekutibo honek aurreko Gobernu askok lortu ez duten egonkortasuna lortu duela".
Gabriel Rufian ERCko diputatuak bere azken hitz-txanda aprobetxatu du tribunan kontuei babesa emateko, eta "erabilgarritasunean militatzearen" alde egindako apustua goraipatu du.
Mertxe Aizpurua EH Bilduko bozeramaileak adierazi duenez, koalizioak alokairuak mugatzea eta kotizazio gabeko pentsioak handitzea lortu du, "jendearentzat baliagarriak" izatea, eta, aldi berean, trafikoko eskumenak Nafarroara transferitzea Konstituzioan jasota dagoela defendatu du.
Elvira Rodriguez PPko diputatuak, ostera, "espainiarrentzat hipoteka" izango direla kritikatu du, eta onartuko diren aldi baterako zergen diru-sarrerak eta Ukrainako gerraren ondorioei aurre egiteko dekretuaren gastuak ez jasotzea deitoratu du.
2023rako Estatuko Aurrekontu Orokorrek Kongresuko bigarren bozketa gainditu zuten asteazkenean, eta koalizio Gobernuaren proiektuan Exekutiboaren aliatuekin adostutako 30 zuzenketa berri sartu zituzten.
Joan den astearteko 38 gehituta, onartutako transakzio-zuzenketak 68 dira guztira.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra aire konpainiari emandako 53 milioi euroko erreskate publikoaren ingurukoa da. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.