Sedizio delitua kentzeko lehen pausoa eman du Kongresuak, eztabaida zakar baten ostean
Espainiako koalizio gobernua osatzen duten bi taldeen (PSOE eta Unidas Podemos) ekimenez, Diputatuen Kongresuak sedizio delitua Zigor Kodetik ezabatzeko proposamena eztabaidatu eta onartu du bart. Erreformak egin beharreko bide parlamentarioan lehen pausoa baino ez da izan, eta atari horretan, ika-mika izan da protagonista; izan ere, oposizioko eskumako taldeen ustez, Espainiako Gobernuak independentismoaren mesedetan gauzatutako proposamena da.
Goizaldean egin dute bozketa, 01:00ak pasatxo, eztabaida luze —bi ordu iraun du— bezain liskartsu baten ostean. Lege proposamenaren aldeko 187 aldeko boto izan dira, 155 kontra, eta 6 abstentzio. PSOE, Unidas Podemos, PDeCAT, EAJ, EH Bildu, Mas País eta BNG taldeek babestu dute erreforma, eta PP, Vox, Ciudadanos, CC, Navarra Suma, PRC eta Foro Asturias taldeek kontrako botoa eman dute. JxCat eta CUP Kataluniako taldeek, aldiz, abstentziora jo dute.
Onartu den testuak sedizio delitua Zigor Kodetik kentzea, eta desordena publiko larri izeneko beste batengatik ordezkatzea proposatzen du, aurreikusitako gehieneko zigorrak 15 urtetik 5era jaitsita, eta inhabilitazioak ere, 10-15 urtetik 6-8 urtera murriztuta.
PSOEk zein Unidas Podemosek erreforma defendatu dute Espainiako Zigor Kodea Europakoekin bateragarri egiteko eta eguneratzeko. Halaber, aldarrikatu dute Kataluniako Gobernuarekin elkarrizketa eta bizikidetzaren bidea urratu behar direla, PPk bultzatutako aurrez aurrekoa bazter utzita.
Eskuina oso kritiko azaldu da ekimenarekin, eta "Kataluniako independentismoaren aurrean amore ematea" egotzi dio Sanchezen gobernuari. Hitz gogorrak izan ditu Cuca Gamara PPko eledunak, eta salatu du "(Oriol) Junquerasek berak agindutako, eta kolpisten mesedetan —Kataluniako prozesuko zigortutakoei erreferentzia eginda— egindako erreforma tranpati eta iruzurtia" dela.
Gabriel Rufianek (ERC), bestalde, ukatu egin du erreforma kontzesio bat dela. Horren esanetan, "epaile faxistari apur bat zailago jartzea da kontua (...), epaile faxistei jostailua kendu diegu", aldarrikatu du.
Zure interesekoa izan daiteke
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.